Niý-Iorkte qazaqstandyq diplomattyń tórt jasar qyzyna it tap berdi. Bul týraly CBS New York telearnasy habarlap otyr.
BAQ-tyń aqparatynsha, oqiǵa Bronkstyń soltústik-batysyndaǵy Nort Riverdeil aýdanynda bolǵan.
Belgili bolǵandai, kishkentai qyz tańǵy segizder shamasynda mektep avtobýsyn kútip turǵan. Osy sátte oǵan, qaidan shyqqany belgisiz, pitbýl tap bergen. Qazaqstandyq búldirshin beti men moiyn tusynan jaraqat aldy.
Oqiǵa ornyna kelgen jergilikti politsiia ittiń qorshalǵan aýmaqtan qashyp ketkenin habarlady.
Dárigerler, tórt jasar qyzǵa ota jasaý kerektigin aitty.
Qazaqstannyń syrtqy ister ministrligi oqiǵanyń mán-jaiyn anyqtap jatyr.
