نيۋ-يوركتە قازاقستاندىق ديپلوماتتىڭ تٶرت جاسار قىزىنا يت تاپ بەردٸ. بۇل تۋرالى CBS New York تەلەارناسى حابارلاپ وتىر.
باق-تىڭ اقپاراتىنشا, وقيعا برونكستىڭ سولتٷستٸك-باتىسىنداعى نورت ريۆەردەيل اۋدانىندا بولعان.
بەلگٸلٸ بولعانداي, كٸشكەنتاي قىز تاڭعى سەگٸزدەر شاماسىندا مەكتەپ اۆتوبۋسىن كٷتٸپ تۇرعان. وسى سەتتە وعان, قايدان شىققانى بەلگٸسٸز, پيتبۋل تاپ بەرگەن. قازاقستاندىق بٷلدٸرشٸن بەتٸ مەن مويىن تۇسىنان جاراقات الدى.
وقيعا ورنىنا كەلگەن جەرگٸلٸكتٸ پوليتسييا يتتٸڭ قورشالعان اۋماقتان قاشىپ كەتكەنٸن حابارلادى.
دەرٸگەرلەر, تٶرت جاسار قىزعا وتا جاساۋ كەرەكتٸگٸن ايتتى.
قازاقستاننىڭ سىرتقى ٸستەر مينيسترلٸگٸ وقيعانىڭ مەن-جايىن انىقتاپ جاتىر.
