Siriiaǵa alǵashqy soqqylar Damask ýaqyty boiynsha tańǵy tórtter shamasynda, AQSh-ta prezident sóz sóilep turǵan sátte berilgen. Bul jaily VVS habarlaidy.
AQSh prezidenti Donald Tramptyń buiryǵymen Siriiaǵa áýeden zymyranmen soqqy jasady. Tramptyń bul sheshimi Dýma qalasyndaǵy himiialyq shabýylǵa jaýap retinde qabyldanǵanyn budan buryn habarlaǵan bolatynbyz.
Frans Press agenttigi jáne VVS habarlaryna qaraǵanda, soqqy Damaskidegi birneshe turǵyn úi oramdaryna baǵyttalǵan. Onyń ishinde ǵylymi zerthana ornalasqan Barzeh ta bar. Budan tys, birneshe áskeri nysandar da zymyran nysanasyna ainalǵan.
Tramptyń sózine qaraǵanda, Siriiany zymyranmen atqylaý Reseidiń himiialyq qarýdy paidalanýyn toqtatýdyń múmkindigi bolmaǵandyǵynyń saldary.
Alǵashqy soqqylar Damask ýaqyty boiynsha tańǵy tórtter shamasynda, AQSh-ta prezident sóz sóilep turǵan sátte berilgen.
AQSh, Frantsiia jáne Ulybritaniia Siriia prezidenti Bashar Asadty himiialyq qarýdy paidalandy dep aiyptap otyr, al Basadtyń ózi Dýma qalasynda himiialyq qarýdyń qoldanylǵanyn joqqa shyǵarýmen keledi.
Siriiadaǵy úkimet nysandaryna qarsy soqqy berý týraly AQSh prezidenti Donald Tramptyń málimdemesinen soń ile-shala Frantsiia prezidenti Emmanýel Makron men Ulybritaniia premer-ministri Tereza Mei óz ustanymdaryn bildirdi.
"Qyzyl syzyqtan asyp ketti. Biz himiialyq qarý qoldanýyna shydam tanytyp otyra almaimyz", - degen Makron.
Ulybritaniia premer-ministri Siriiaǵa qarsy "shekteýli jáne maqsatty" soqqy berilgeni týraly aitqan. Ol áýe shabýyly Siriia rejiminiń himiialyq qarý qoldaný múmkindigin azaitý úshin jasaldy deidi.
"Áńgime azamat soǵysyna aralasýda nemese rejimdi aýystyrýǵa bailanysty emes", - degen Mei. Onyń sózinshe, bul jolǵy áýe soqqylary "himiialyq qarýdy qoldanyp jazasyz qalýǵa bolady dep sanaityndardyń barlyǵyna berilgen aiqan belgi" bolmaq.
"Biz himiialyq qarýdy Siriiada, Birikken Koroldik kóshelerinde nemese álemniń taǵy basqa jerinde qoldanýǵa jol bere almaimyz", - dep málimdegen Tereza Mei.
Al, Reseidiń Vashingtondaǵy elshisi Anatolii Antonov AQSh pen odaqtastarynyń Siriiaǵa qarsy shabýylyn qatty synǵa aldy. "Eń jaman qaýip-qater rasqa ainaldy. Bizdiń eskertýimizge qulaq aspady... Bizge taǵy dóń-aibat jasap jatyr. Biz mundai is-áreketter saldarsyz qalmaidy dep eskertkenbiz. Bular úshin barlyq jaýapkershilik – Vashington, London men Parijge júkteledi", - dep málimdegen Antonov.
Resei elshisi qazirgi ýaqytta AQSh-tyń qolynda jappai qyryp-joiý qarýdyń úlken qory bar ekenin aitqan.
"Álemdegi eń iri himiialyq qarýdy óndirip otyrǵan AQSh-tyń ózge memleketterdi aiyptaýǵa moraldyq quqyǵy joq", - delingen reseilik diplomattyń málimdemesinde.
Osydan bir jyl buryn Siriia úkimettik áskeri bazasyna Jerorta teńizinde AQSh ÁTK kemesinen shyqqan «Tomagavk» qanatty zymyranymen soqqy baǵyttalǵan. Sol soqqy da AQSh-tyń Siriia úkimettik áskeri men prezident Bashar Asad aiyptalǵan Idlib provintsiiasyna jasalǵan himiialyq shabýylǵa jaýap retinde berilgen-tin. Onda 80 adam shabýyl qurbanyna ainalǵan edi.
