AQSh kongresiniń ókilder palatasy 25 qańtarda senatqa burynǵy prezident Donald Trampke taǵylatyn impichment baptaryn tapsyrdy. Tramp jaqtastaryn 6 qańtarda Kapitolii ǵimaratyna basyp kirýge itermeledi dep aiyptalyp otyr.
"Amerika daýysy" saitynyń jazýynsha, impichment isinde aiyptaý tarabynyń mindetin atqaratyn kongressmen-demokrattar hatty Kapitolii rotondasy arqyly senat zalyna jetkizgen. Osydan 20 kún buryn dál osy jolmen Tramp jaqtastary júrip ótken bolatyn.
Senat 8 aqpanda sot protsesin bastaidy dep aitylady.
Sot alqasy músheleriniń rólin 100 senator atqarady. Demokrattar respýblikashyldardy Trampqa impichment jariialaýǵa kóndirýge kúsh salmaq. Budan soń burynǵy prezidentti qyzmetinen shettetý máselesi daýysqa salynady.
13 qańtarda demokrattar basym kópshilik bolyp otyrǵan ókilder palatasy Trampqa impichment jariialaýǵa daýys bergen.
Trampqa impichment jariialaý úshin keminde 17 respýblikashyl senator demokrattardy qoldaýy kerek. Sarapshylar bulai bola qoiýy ekitalai deidi.
Aita keteiik, Tramp dálel keltirmei sailaýda jeńgenin jáne daýys burmalanǵanyn málimdegennen keiin jaqtastary Kapitolii ǵimaratyna basyp kirgen.
