اقش كونگرەسٸنٸڭ ٶكٸلدەر پالاتاسى 25 قاڭتاردا سەناتقا بۇرىنعى پرەزيدەنت دونالد ترامپكە تاعىلاتىن يمپيچمەنت باپتارىن تاپسىردى. ترامپ جاقتاستارىن 6 قاڭتاردا كاپيتوليي عيماراتىنا باسىپ كٸرۋگە يتەرمەلەدٸ دەپ ايىپتالىپ وتىر.
"امەريكا داۋىسى" سايتىنىڭ جازۋىنشا, يمپيچمەنت ٸسٸندە ايىپتاۋ تارابىنىڭ مٸندەتٸن اتقاراتىن كونگرەسسمەن-دەموكراتتار حاتتى كاپيتوليي روتونداسى ارقىلى سەنات زالىنا جەتكٸزگەن. وسىدان 20 كٷن بۇرىن دەل وسى جولمەن ترامپ جاقتاستارى جٷرٸپ ٶتكەن بولاتىن.
سەنات 8 اقپاندا سوت پروتسەسٸن باستايدى دەپ ايتىلادى.
سوت القاسى مٷشەلەرٸنٸڭ رٶلٸن 100 سەناتور اتقارادى. دەموكراتتار رەسپۋبليكاشىلداردى ترامپقا يمپيچمەنت جارييالاۋعا كٶندٸرۋگە كٷش سالماق. بۇدان سوڭ بۇرىنعى پرەزيدەنتتٸ قىزمەتٸنەن شەتتەتۋ مەسەلەسٸ داۋىسقا سالىنادى.
13 قاڭتاردا دەموكراتتار باسىم كٶپشٸلٸك بولىپ وتىرعان ٶكٸلدەر پالاتاسى ترامپقا يمپيچمەنت جارييالاۋعا داۋىس بەرگەن.
ترامپقا يمپيچمەنت جارييالاۋ ٷشٸن كەمٸندە 17 رەسپۋبليكاشىل سەناتور دەموكراتتاردى قولداۋى كەرەك. ساراپشىلار بۇلاي بولا قويۋى ەكٸتالاي دەيدٸ.
ايتا كەتەيٸك, ترامپ دەلەل كەلتٸرمەي سايلاۋدا جەڭگەنٸن جەنە داۋىس بۇرمالانعانىن مەلٸمدەگەننەن كەيٸن جاقتاستارى كاپيتوليي عيماراتىنا باسىپ كٸرگەن.
