AQSh Senatynyń barlaý jónindegi komiteti Reseidiń amerikalyqtar pikirine yqpal etý maqsatynda áleýmettik jelilerdi paidalanǵany týraly esep jariialady.
Esep avtorlarynyń pikirinshe, Kreml qoldaýymen jumys istegen "trollder fabrikasy" Donald Tramptyń tanymaldyǵyn arttyryp, qarsylasy Hillari Klintonnyń bedelin túsirýdi kózdegen. Senat jariialaǵan esep AQSh arnaiy qyzmet ókilderiniń osy másele boiynsha jariialaǵan qorytyndy esebimen sáikes keledi.
AQSh Senatynyń barlaý jónindegi komiteti ázirlegen esepte reseilik "Internet-zertteý agenttigi" atqarǵan "jumys" áli kúnge deiin jalǵasyp kele jatqan iri aqparattyq soǵystyń bir bóligi retinde sipattalady. Onyń bastamashylary Amerika qoǵamyn ydyratýdy kózdegen.
Shtab-páteri Sankt-Peterbýrgte ornalasqan, "Trollder fabrikasy" degen atpen belgili "Internet-zertteýler agenttigi" Kremlmen jaqyn bailanysy bar reseilik kásipker Evgenii Prigojinge tiesili. Arnaiy prokýror Robert Miýller de Reseidiń 2016 jyly AQSh-taǵy prezident sailaýyna aralasýy týraly qorytyndy esebinde osy agenttikti birneshe ret atap ótken. AQSh "trollder fabrikasymen" bailanysty birneshe zańdy jáne jeke tulǵaǵa (arasynda Prigojin de bar) sanktsiia salǵan.
Buǵan deiin Tramp pen onyń jaqtastary sailaý aldynda Resei biligimen ymyralaspaǵanyn aitqan.
