اقش سەناتىنىڭ بارلاۋ جٶنٸندەگٸ كوميتەتٸ رەسەيدٸڭ امەريكالىقتار پٸكٸرٸنە ىقپال ەتۋ ماقساتىندا ەلەۋمەتتٸك جەلٸلەردٸ پايدالانعانى تۋرالى ەسەپ جارييالادى.
ەسەپ اۆتورلارىنىڭ پٸكٸرٸنشە, كرەمل قولداۋىمەن جۇمىس ٸستەگەن "تروللدەر فابريكاسى" دونالد ترامپتىڭ تانىمالدىعىن ارتتىرىپ, قارسىلاسى حيللاري كلينتوننىڭ بەدەلٸن تٷسٸرۋدٸ كٶزدەگەن. سەنات جارييالاعان ەسەپ اقش ارنايى قىزمەت ٶكٸلدەرٸنٸڭ وسى مەسەلە بويىنشا جارييالاعان قورىتىندى ەسەبٸمەن سەيكەس كەلەدٸ.
اقش سەناتىنىڭ بارلاۋ جٶنٸندەگٸ كوميتەتٸ ەزٸرلەگەن ەسەپتە رەسەيلٸك "ينتەرنەت-زەرتتەۋ اگەنتتٸگٸ" اتقارعان "جۇمىس" ەلٸ كٷنگە دەيٸن جالعاسىپ كەلە جاتقان ٸرٸ اقپاراتتىق سوعىستىڭ بٸر بٶلٸگٸ رەتٸندە سيپاتتالادى. ونىڭ باستاماشىلارى امەريكا قوعامىن ىدىراتۋدى كٶزدەگەن.
شتاب-پەتەرٸ سانكت-پەتەربۋرگتە ورنالاسقان, "تروللدەر فابريكاسى" دەگەن اتپەن بەلگٸلٸ "ينتەرنەت-زەرتتەۋلەر اگەنتتٸگٸ" كرەملمەن جاقىن بايلانىسى بار رەسەيلٸك كەسٸپكەر ەۆگەنيي پريگوجينگە تيەسٸلٸ. ارنايى پروكۋرور روبەرت ميۋللەر دە رەسەيدٸڭ 2016 جىلى اقش-تاعى پرەزيدەنت سايلاۋىنا ارالاسۋى تۋرالى قورىتىندى ەسەبٸندە وسى اگەنتتٸكتٸ بٸرنەشە رەت اتاپ ٶتكەن. اقش "تروللدەر فابريكاسىمەن" بايلانىستى بٸرنەشە زاڭدى جەنە جەكە تۇلعاعا (اراسىندا پريگوجين دە بار) سانكتسييا سالعان.
بۇعان دەيٸن ترامپ پەن ونىڭ جاقتاستارى سايلاۋ الدىندا رەسەي بيلٸگٸمەن ىمىرالاسپاعانىن ايتقان.
