AQSh sanktsiiasyna bailanysty bir jyl toqtap turǵan Nord Stream 2 gaz qubyrynyń salynýy jeltoqsan aiynda qaita bastalmaq. Baltyq teńizinen túbimen ótetin bul qubyr Reseidiń gazyn Germaniia jetkizedi.
"Biz Germaniianyń erekshe ekonomikalyq aimaǵynda ornyn zákir arqyly ustaityn kemeni qoldana otyryp qubyr salý jumystaryn qalpyna keltirýdi josparlap otyrmyz" dedi Nord Stream 2 AG kompaniiasy jýrnalisterge.
Nord Stream 2 gaz qubyrynyń salynýy bir jylǵa jýyq ýaqyt buryn toqtap qalǵan. Qurylystyń toqtaýy AQSh-tyń teńiz túbinde qubyr salýǵa qatysy bar kemelerge sanktsiia salýymen bailanysty edi. Sanktsiia salynǵan soń, qubyr salýmen ainalysatyn shveitsariialyq Allseas kompaniiasy jobadaǵy jumysyn aiaqtady. "Gazprom" kompaniiasynyń "Interfaks" agenttigine habarlaýynsha, 94 paiyzǵa daiyn Nord Stream 2 jobasyn Resei aiaqtamaq.
Qubyr salýdy qandai keme júzege asyratyny áli belgisiz. Qalǵan bóliktiń 16 shaqyrymy teńizdiń Germaniiaǵa tiesili bóliginde, 60 shaqyrymy Daniiaǵa tiesili bóliginde.
Nord Stream 2 gaz qubyry kelip tireletin Meklenbýrg-Aldyńǵy Pomeraniia federaldyq okrýgi osy aptada Nord Stream 2 jobasynda jumys isteitin kompaniialardy AQSh sanktsiialarynan qorǵaý úshin premer-ministr kantseliariiasynyń baqylaýyndaǵy qoǵamdyq trast qurý týraly sheshim qabyldady.
