اقش سانكتسيياسىنا بايلانىستى بٸر جىل توقتاپ تۇرعان Nord Stream 2 گاز قۇبىرىنىڭ سالىنۋى جەلتوقسان ايىندا قايتا باستالماق. بالتىق تەڭٸزٸنەن تٷبٸمەن ٶتەتٸن بۇل قۇبىر رەسەيدٸڭ گازىن گەرمانييا جەتكٸزەدٸ.
"بٸز گەرمانييانىڭ ەرەكشە ەكونوميكالىق ايماعىندا ورنىن زەكٸر ارقىلى ۇستايتىن كەمەنٸ قولدانا وتىرىپ قۇبىر سالۋ جۇمىستارىن قالپىنا كەلتٸرۋدٸ جوسپارلاپ وتىرمىز" دەدٸ Nord Stream 2 AG كومپانيياسى جۋرناليستەرگە.
Nord Stream 2 گاز قۇبىرىنىڭ سالىنۋى بٸر جىلعا جۋىق ۋاقىت بۇرىن توقتاپ قالعان. قۇرىلىستىڭ توقتاۋى اقش-تىڭ تەڭٸز تٷبٸندە قۇبىر سالۋعا قاتىسى بار كەمەلەرگە سانكتسييا سالۋىمەن بايلانىستى ەدٸ. سانكتسييا سالىنعان سوڭ, قۇبىر سالۋمەن اينالىساتىن شۆەيتسارييالىق Allseas كومپانيياسى جوباداعى جۇمىسىن اياقتادى. "گازپروم" كومپانيياسىنىڭ "ينتەرفاكس" اگەنتتٸگٸنە حابارلاۋىنشا, 94 پايىزعا دايىن Nord Stream 2 جوباسىن رەسەي اياقتاماق.
قۇبىر سالۋدى قانداي كەمە جٷزەگە اسىراتىنى ەلٸ بەلگٸسٸز. قالعان بٶلٸكتٸڭ 16 شاقىرىمى تەڭٸزدٸڭ گەرمانيياعا تيەسٸلٸ بٶلٸگٸندە, 60 شاقىرىمى دانيياعا تيەسٸلٸ بٶلٸگٸندە.
Nord Stream 2 گاز قۇبىرى كەلٸپ تٸرەلەتٸن مەكلەنبۋرگ-الدىڭعى پومەرانييا فەدەرالدىق وكرۋگٸ وسى اپتادا Nord Stream 2 جوباسىندا جۇمىس ٸستەيتٸن كومپانييالاردى اقش سانكتسييالارىنان قورعاۋ ٷشٸن پرەمەر-مينيستر كانتسەلياريياسىنىڭ باقىلاۋىنداعى قوعامدىق تراست قۇرۋ تۋرالى شەشٸم قابىلدادى.
