AQSh-taǵy 2020 jylǵy prezident sailaýyna yqpal etýge tyrysqany úshin jáne jalǵan aqparat taratý áreketi úshin Vashington Reseidegi 32 zańdy jáne jeke tulǵaǵa jańa sanktsiia saldy. Bul jóninde Aq úidiń resmi saity habarlady, dep jazady Azattyq.
Sonymen birge, AQSh prezidenti Djo Baidenniń jarlyǵymen Reseidiń Vashingtondaǵy elshiliginde jumys isteitin on qyzmetkerdi shyǵaryp jiberý kózdelgen. "Amerika daýysynyń" habarlaýynsha, Amerikadan shyǵarylatyndar arasynda arnaiy qyzmet ókilderi men diplomattar bar.
AQSh qarjy ministrliginiń sheteldik aktivterdi baqylaý basqarmasy Resei banki, ulttyq ál-aýqat qory jáne qarjy ministrligi shyǵarǵan obligatsiialardy satyp alýǵa, olarǵa qaryz berýge tyiym saldy. Bul tyiym 2021 jylǵy 14 maýsymda kúshine enbek.
Sanktsiiaǵa ilingen uiymdar qatarynda Krasnodar ólkesindegi "ERA" tehnopolisi bar, onda Resei qorǵanys ministrliginiń shaqyrýymen jekemenshik jáne memlekettik kompaniialar jumys isteidi. Buǵan qosa, aqparat qorǵaý, IT-infraqurylymdy tekserý jáne kiberqaýipke qarsy turý uiymdaryna sanktsiia salyndy. Bul uiymdardyń qatarynda "Spetsvýzavtomatika" ǵylymi zetteý institýty men Positive Technologies kompaniiasy bar.
Qara tizimge ilingen adamdar qatarynda Resei prezidenti Vladimir Pýtinniń burynǵy baspasóz hatshysy Aleksei Gromov bar. Qazir ol prezident ákimshiligi basshysynyń birinshi orynbasary qyzmetin atqarady.
Osy aqparat jariialanǵan soń kóp uzamai, Resei de AQSh-qa qarymta sanktsiia salǵanyn málimdedi.
