Vashington 16 cáýirde Siriiadaǵy jaǵdaiǵa bailanysty "Asad qoldaýshylary" - Resei men Iranǵa qarsy jańa sanktsiialardy jariialaidy. Bul týraly BUU janyndaǵy AQSh-tyń turaqty ókili Nikki Heili CBS News basylymyna bergen suhbatynda aitty.
"Qarjy ministri Stiven Mnýchin dúisenbide sanktsiialardy jariialaidy. Bul sanktsiialar Asadqa qatysy bar jáne himiialyq qarý paidalanǵan barlyq kompaniiaǵa qoldanylady. Muny barlyǵy sezedi dep te oilaimyn. Menińshe, barlyǵyna naqty bir signal berip otyrǵanymyz belgili. Sanktsiialardy barlyǵyn qabyldaidy dep senemiz", - dep keltiredi InoTV telearnasy Nikki Heilidiń sózin.
Sondai-aq, BUU janyndaǵy AQSh-tyń turaqty ókili barlyq diplomatiialyq sharanyń qaralyp bitýine bailanysty AQSh-tyń Siriiaǵa qatysty soqqy jasaý týraly sheshim qabyldaǵanyn aitty.
"(...) Asad himiialyq qarýdy birneshe ret qoldandy. Biraq eń basty sebep - biz osyǵan deiin túrli alty rezoliýtsiia usyndyq. Iaǵni, himiialyq qarýdy qoldaný boiynsha. Sondyqtan endigi kezekte biz qolymyzda bar diplomatiialyq sharalardyń barlyǵyn qoldanyp, osylai áreket etýdi jón kórdik", - dedi Nikki Heili.
Federatsiia keńesiniń ókilderi AQSh-tyń Reseige qatysty jańa sanktsiialary jylyna kem degende taǵy bes ret engiziledi.
