Qazaqstan Respýblikasy Premer-Ministriniń orynbasary – Syrtqy ister ministri Muhtar Tileýberdiniń AQSh Memlekettik hatshysy Entoni Blinkenmen telefon arqyly suhbaty ótti, dep habarlaidy "Ult aqparat" QR Syrtqy ister ministrliginiń resmi saityna silteme jasap.
Taraptar halyqaralyq kún tártibi men ekijaqty qarym-qatynastardyń mańyzdy máselelerin, onyń ishinde keńeitilgen strategiialyq seriktestikti tereńdetý perspektivalaryn talqylady.
Tileýberdi Prezident Qasym-Jomart Toqaevtyń jolǵa qoiǵan Qazaqstannyń áleýmettik-saiasi júiesin odan ári demokratizatsiialaýǵa baǵyttalǵan reformalar jóninde habardar etti.
AQSh Memlekettik hatshysy, óz tarapynan Prezident Qasym-Jomart Toqaevtyń Saiasi reformalar josparyn AQSh tabandy qoldaitynyn málimdedi.
Sonymen qatar, Qazaqstan men AQSh arasynda diplomatiialyq qatynastardyń 30-jyldyǵyna arnalǵan is-sharalarǵa daiyndyq pen olardyń kestesi jáne S5+1 dialog platformasynyń jýyrda ótetin onlain-otyrysy qarastyryldy.
