AQSh gaz baǵasyn tómendetý jáne eldegi infliatsiiamen kúresý úshin strategiialyq qordan kúnine 1 mln barrel munai bólip otyrady, dep habarlaidy QazAqparat.
Baiden ákimshiligi taratqan aqparatqa sáikes, AQSh prezidenti aldaǵy alty ai boiy strategiialyq qorǵa qol salmaq. Sebebi, otandyq óndirýshiler gaz óndirýdi arttyryp jatyr.
«Bunyń aýqymy teńdessiz: álemde mundai ýaqyt aralyǵynda kúnine 1 million barrel munai qoryn shyǵarý eshqashan bolǵan emes. Osy rekordtyq munai shyǵarý tarihi kólemge qol jetkizip, jyldyń aiaǵyna deiin ishki óndiris jandanǵansha jaǵdaidy ustap turýǵa múmkindik beredi», - delingen Aq úidiń baspasóz relizinde.
Aita keteiik, beisenbi kúni munai baǵasy tómendedi. Brent markaly munaidyń mamyr aiyna fiýchersteri 4%-ke barreline 108,89 dollarǵa deiin azaidy.
Amerika munaiy da arzandap, keshegi sessiia barysynda 100,16 dollar deńgeiinde satyldy.
Bul mádimdemeni Aq úi Reseidiń Ýkrainadaǵy arnaiy operatsiiasyna bailanysty energiia kózderiniń kúrt qymbattaýyna qarsy amaldar qarastyryp jatqan kezde jasady.
Geosaiasi jaǵdai ýshyqqan saiyn munai men tabiǵi gaz baǵasy kóterilip, olardyń qoljetimdi bolýy alańdaýshylyq týǵyzyp otyr.
Shiki munai baǵasynyń ósýi AQSh-ta benzinniń qymbattaýyna ákep soqtyrdy. Bir gallon benzin baǵasy 4,23 dollarǵa jetti, bir jyl buryn ol 2,87 dollar turǵan edi. Bul barlyq taýarlardyń qymbattaýyna, jyldyq infliatsiianyń 7,9% deiin kóterilýine alyp keldi.
Wells Fargo Securities energetika jónindegi aǵa sarapshysy Rodjer Ridtiń aitýynsha, Baiden josparlap otyrǵan strategiialyq qordan alynatyn kólem kúndelikti álemdegi munai óndirisiniń 1% jáne AQSh tutynatyn munaidyń 5%-n quraidy.
