اقش گاز باعاسىن تٶمەندەتۋ جەنە ەلدەگٸ ينفلياتسييامەن كٷرەسۋ ٷشٸن ستراتەگييالىق قوردان كٷنٸنە 1 ملن باررەل مۇناي بٶلٸپ وتىرادى, دەپ حابارلايدى قازاقپارات.
بايدەن ەكٸمشٸلٸگٸ تاراتقان اقپاراتقا سەيكەس, اقش پرەزيدەنتٸ الداعى التى اي بويى ستراتەگييالىق قورعا قول سالماق. سەبەبٸ, وتاندىق ٶندٸرۋشٸلەر گاز ٶندٸرۋدٸ ارتتىرىپ جاتىر.
«بۇنىڭ اۋقىمى تەڭدەسسٸز: ەلەمدە مۇنداي ۋاقىت ارالىعىندا كٷنٸنە 1 ميلليون باررەل مۇناي قورىن شىعارۋ ەشقاشان بولعان ەمەس. وسى رەكوردتىق مۇناي شىعارۋ تاريحي كٶلەمگە قول جەتكٸزٸپ, جىلدىڭ اياعىنا دەيٸن ٸشكٸ ٶندٸرٸس جاندانعانشا جاعدايدى ۇستاپ تۇرۋعا مٷمكٸندٸك بەرەدٸ», - دەلٸنگەن اق ٷيدٸڭ باسپاسٶز رەليزٸندە.
ايتا كەتەيٸك, بەيسەنبٸ كٷنٸ مۇناي باعاسى تٶمەندەدٸ. Brent ماركالى مۇنايدىڭ مامىر ايىنا فيۋچەرستەرٸ 4%-كە باررەلٸنە 108,89 دوللارعا دەيٸن ازايدى.
امەريكا مۇنايى دا ارزانداپ, كەشەگٸ سەسسييا بارىسىندا 100,16 دوللار دەڭگەيٸندە ساتىلدى.
بۇل مەدٸمدەمەنٸ اق ٷي رەسەيدٸڭ ۋكرايناداعى ارنايى وپەراتسيياسىنا بايلانىستى ەنەرگييا كٶزدەرٸنٸڭ كٷرت قىمباتتاۋىنا قارسى امالدار قاراستىرىپ جاتقان كەزدە جاسادى.
گەوساياسي جاعداي ۋشىققان سايىن مۇناي مەن تابيعي گاز باعاسى كٶتەرٸلٸپ, ولاردىڭ قولجەتٸمدٸ بولۋى الاڭداۋشىلىق تۋعىزىپ وتىر.
شيكٸ مۇناي باعاسىنىڭ ٶسۋٸ اقش-تا بەنزيننٸڭ قىمباتتاۋىنا ەكەپ سوقتىردى. بٸر گاللون بەنزين باعاسى 4,23 دوللارعا جەتتٸ, بٸر جىل بۇرىن ول 2,87 دوللار تۇرعان ەدٸ. بۇل بارلىق تاۋارلاردىڭ قىمباتتاۋىنا, جىلدىق ينفلياتسييانىڭ 7,9% دەيٸن كٶتەرٸلۋٸنە الىپ كەلدٸ.
Wells Fargo Securities ەنەرگەتيكا جٶنٸندەگٸ اعا ساراپشىسى رودجەر ريدتٸڭ ايتۋىنشا, بايدەن جوسپارلاپ وتىرعان ستراتەگييالىق قوردان الىناتىن كٶلەم كٷندەلٸكتٸ ەلەمدەگٸ مۇناي ٶندٸرٸسٸنٸڭ 1% جەنە اقش تۇتىناتىن مۇنايدىڭ 5%-ن قۇرايدى.
