AQSh Palestina avtonomiiasyna ekonomikalyq jáne gýmanitarlyq kómekti jandandyrýdy josparlap otyr.
Sársenbi kúni taraǵan AQSh memlekettik departamentiniń málimdemesinde Vashingtonnyń bul maqsatqa 235 mln dollar jumsaityny jazylǵan.
75 mln dollar – Gaza sektory men Batys jaǵalaýyn damytýǵa, 10 mln – Halyqaralyq damý jónindegi agenttik (USAID) arqyly aimaqta beibitshilikti qalyptastyrý baǵdarlamasyn júrgizýge jumsalady. 150 mln BUU-nyń gýmanitarlyq baǵdarlamalary aiasyndaǵy kómekke ketedi.
Taǵy 15 mln dollar indettiń saldaryn joiýǵa jáne azyq-túlik tapshylyǵymen kúreske bólinedi.
Buǵan deiin Aq úi jetekshisi Djo Baiden burynǵy ákimshiliktiń júrgen baǵytyn ózgertetinin málimdegen. Palestinalyqtar Donald Tramp ákimshiligin Izrail múddesin qorǵady dep aiyptaǵan. Reuters agenttigi atalǵan qarjylyq jospardy demokrat Baidenniń osy baǵyttaǵy eleýli demokratiialyq qadamy retinde atap otyr.
