AQSh prezidenti Djo Baiden ákimshiligi reseilik oppozitsiialyq saiasatker Aleksei Navalnyidyń ýlanýyna bailanysty Máskeýge sanktsiia salýǵa daiyndalyp jatyr. Baiden ákimshiligindegi resmi derekkózge súiengen CNN arnasy sanktsiianyń Eýroodaqpen kelisiletinin habarlady.
CNN arnasynyń málimetinshe, jańa prezident ákimshiliginiń alǵashqy sanktsiiasy Amerikanyń Máskeýmen ári qaraiǵy qatynasyna aiqyndaǵysh reńk bermek. Iaǵni, bul Vashingtonnyń burynǵy prezident Donald Tramp ákimshiliginiń baǵytyn jalǵastyrýdan bas tartatyndyǵynyń belgisi bolmaq. Aq úidi Baidenniń aldynda basqarǵandar Navalnyidyń ýlanýyna bailanysty Máskeýge qysym jasaýǵa yqylas tanytpaǵan jáne Resei biliginiń ózge de "óreskel áreketterine" qatysty Kremlmen teketiresten jaltarǵan.
CNN arnasynyń jazýynsha, Baiden ákimshiligi Reseidegi adam quqyǵyna bailanysty Máskeýge "kúshti signal" jiberýge oqtalyp otyr. Vashington odaqtastarymen birge Reseidiń adam quqyǵyn buzǵany úshin oǵan sanktsiia salý máselesin birigip sheshýi kerek dep sanaidy.
Dúisenbi kúni EO ókilderi Navalnyidyń qýdalanýyna qatysy bar reseilik sheneýnikterge sanktsiia salýdy maquldaǵan. Sanktsiiaǵa ilingen sheneýnikter tizimi osy aptada belgili bolady. Oǵan Resei kúshtik qurylym jetekshileri enýi múmkin.
