AQSh Memlekettik hatshysy Maik Pompeo Nursultan Nazarbaevqa tezirek saýyǵyp ketýin tiledi, dep habarlaidy "Ult aqparat".
«Qazaqstannyń Tuńǵysh Prezidenti Nursultan Nazarbaevqa COVID-19-dan tolyqtai aiyǵýyn jáne tezirek saýyǵyp ketýin tileimin. Bul elderimiz úshin asa qiyn kezeń. Birlesip osy aýrýdy jeńetinimizge senimdimin. Saýyǵyp ketińiz! Aman bolyńyz!», dep jazdy AQSh Memlekettik hatshysy Maik Pompeo Tvitterde.
Eske salaiyq, 18 maýsymda Elbasynyń koronavirýsqa jasaǵan PTsR-testi oń nátije bergeni belgili boldy. QR Tuńǵysh Prezidenti – Elbasynyń baspasóz hatshysy Aidos Úkibai Nursultan Nazarbaevtyń densaýlyǵy meditsina qyzmetiniń baqylaýynda ekenin habarlady. Elbasy zamanaýi kommýnikatsiia kanaldaryn qoldana otyryp, qashyqtan jumys istep jatyr.
