AQSh qorǵanys ministri Lloid Ostin Kongress ókilderi palatasynyń áskeri ister jónindegi komitetinde eldiń jańa soǵystarǵa daiyn bolý kerek ekenin aitty, - dep habarlaidy Tengrinews.kz amerikalyq áskeri vedomstvosynyń baspasóz qyzmetine silteme jasap.
Pentagon basshysy AQSh-tyń jańa soǵystarǵa qatysýy qorǵanys biýdjetine 2022 jylǵa arnalǵan usynys daiyndaý kezinde esepke alynǵanyn aitty.
"Qorǵanys ministrligi básekelestermen qatar júrip, qajet kezde soǵysyp, jeńiske jetýi qajet", - delingen ministr habarlamasynda.
Lloid Ostinniń aitýynsha, "Tynyq muhittyq tejeý" bastamasy úshin biýdjetke 5 milliard dollar salynǵan. Bul Qytaiǵa kóbirek kóńil bólý qajettigimen bailanysty.
Ostin biýdjetti qurý kezinde nazarǵa alynǵan basty mindet retinde "Reseidiń dushpandyǵyna, ásirese kiberkeńistikke qarsy turýdy" atady. Kiberkeńistiktegi operatsiia men kiberqaýipsizdikke 10 milliard dollar bólý qarastyrylyp otyr.
