اقش قورعانىس مينيسترٸ للويد وستين كونگرەسس ٶكٸلدەرٸ پالاتاسىنىڭ ەسكەري ٸستەر جٶنٸندەگٸ كوميتەتٸندە ەلدٸڭ جاڭا سوعىستارعا دايىن بولۋ كەرەك ەكەنٸن ايتتى, - دەپ حابارلايدى Tengrinews.kz امەريكالىق ەسكەري ۆەدومستۆوسىنىڭ باسپاسٶز قىزمەتٸنە سٸلتەمە جاساپ.
پەنتاگون باسشىسى اقش-تىڭ جاڭا سوعىستارعا قاتىسۋى قورعانىس بيۋدجەتٸنە 2022 جىلعا ارنالعان ۇسىنىس دايىنداۋ كەزٸندە ەسەپكە الىنعانىن ايتتى.
"قورعانىس مينيسترلٸگٸ بەسەكەلەستەرمەن قاتار جٷرٸپ, قاجەت كەزدە سوعىسىپ, جەڭٸسكە جەتۋٸ قاجەت", - دەلٸنگەن مينيستر حابارلاماسىندا.
للويد وستيننٸڭ ايتۋىنشا, "تىنىق مۇحيتتىق تەجەۋ" باستاماسى ٷشٸن بيۋدجەتكە 5 ميلليارد دوللار سالىنعان. بۇل قىتايعا كٶبٸرەك كٶڭٸل بٶلۋ قاجەتتٸگٸمەن بايلانىستى.
وستين بيۋدجەتتٸ قۇرۋ كەزٸندە نازارعا الىنعان باستى مٸندەت رەتٸندە "رەسەيدٸڭ دۇشپاندىعىنا, ەسٸرەسە كيبەركەڭٸستٸككە قارسى تۇرۋدى" اتادى. كيبەركەڭٸستٸكتەگٸ وپەراتسييا مەن كيبەرقاۋٸپسٸزدٸككە 10 ميلليارد دوللار بٶلۋ قاراستىرىلىپ وتىر.
