AQSh Kongresi qarashada ótken sailaý nátijesin maquldap, demokrat Djo Baidendi AQSh-tyń kelesi prezidenti, Kamala Harristi vitse-prezident dep tanydy.
Endi Baiden men Harristiń inaýgýratsiiasy 20 qańtarda ótedi.
«AQSh Kongresi Baidenniń jeńisin bekitti. Formaldi protsedýra uzaqqa sozylyp ketti, alaida barlyǵy saqtaldy. Tańerteń saǵat úsh jarym kezinde vitse-prezident Maik Pens otyrysty jabyq dep jariialady», - delingen BBC aqparatynda.
Kongress tarapynan daýys berý nátijesin maquldaý - AQSh Konstitýtsiiasynda jazylǵan mindetti shara. Kongressmender osy protsess arqyly sailaýshylar alqasynyń daýys nátijesin maquldaýy tiis.
Bul shara 6 qańtarda ótýi kerek edi. Biraq Kapitoliidegi jiyn óterden buryn Tramp Aq úi janynda óz jaqtastaryna qaiyrylyp, "biz eshqashan berilmeimiz, eshqashan jeńilmeimiz, urlyqty toqtatyńyzdar" dedi.
Tramptyń osy sózinen keiin onyń ashýly jaqtastary 1,6 shaqyrym jerde ornalasqan Kapitoliige baryp, basyp kirdi.
Olar Kongrestiń qarashadaǵy sailaý nátijesin rásimdeýin ótkizýge kedergi keltirdi. Saiasatkerler jiyn ótetin zaldy tastap ketýge májbúr boldy. Olar jumysyn Vashingtonda komendanttyq saǵat engizgen soń jalǵastyrdy.
Kapitoliidegi jaǵdaidan 4 adam qaza taýyp, 52 adam ustaldy.
9 qarashadaǵy sailaýda Baiden sailaýshylar alqasynyń 306 daýysyn, Donald Tramp 270 daýysyn alǵan. Keiin Tramp sailaý nátijesimen kelispeitinin aityp, sotqa shaǵym túsirgen. Sot onyń 50 aryzyn qanaǵattandyrmai tastady.
