اقش كونگرەسٸ قاراشادا ٶتكەن سايلاۋ نەتيجەسٸن ماقۇلداپ, دەموكرات دجو بايدەندٸ اقش-تىڭ كەلەسٸ پرەزيدەنتٸ, كامالا حارريستٸ ۆيتسە-پرەزيدەنت دەپ تانىدى.
ەندٸ بايدەن مەن حارريستٸڭ يناۋگۋراتسيياسى 20 قاڭتاردا ٶتەدٸ.
«اقش كونگرەسٸ بايدەننٸڭ جەڭٸسٸن بەكٸتتٸ. فورمالدٸ پروتسەدۋرا ۇزاققا سوزىلىپ كەتتٸ, الايدا بارلىعى ساقتالدى. تاڭەرتەڭ ساعات ٷش جارىم كەزٸندە ۆيتسە-پرەزيدەنت مايك پەنس وتىرىستى جابىق دەپ جارييالادى», - دەلٸنگەن BBC اقپاراتىندا.
كونگرەسس تاراپىنان داۋىس بەرۋ نەتيجەسٸن ماقۇلداۋ - اقش كونستيتۋتسيياسىندا جازىلعان مٸندەتتٸ شارا. كونگرەسسمەندەر وسى پروتسەسس ارقىلى سايلاۋشىلار القاسىنىڭ داۋىس نەتيجەسٸن ماقۇلداۋى تيٸس.
بۇل شارا 6 قاڭتاردا ٶتۋٸ كەرەك ەدٸ. بٸراق كاپيتولييدەگٸ جيىن ٶتەردەن بۇرىن ترامپ اق ٷي جانىندا ٶز جاقتاستارىنا قايىرىلىپ, "بٸز ەشقاشان بەرٸلمەيمٸز, ەشقاشان جەڭٸلمەيمٸز, ۇرلىقتى توقتاتىڭىزدار" دەدٸ.
ترامپتىڭ وسى سٶزٸنەن كەيٸن ونىڭ اشۋلى جاقتاستارى 1,6 شاقىرىم جەردە ورنالاسقان كاپيتولييگە بارىپ, باسىپ كٸردٸ.
ولار كونگرەستٸڭ قاراشاداعى سايلاۋ نەتيجەسٸن رەسٸمدەۋٸن ٶتكٸزۋگە كەدەرگٸ كەلتٸردٸ. ساياساتكەرلەر جيىن ٶتەتٸن زالدى تاستاپ كەتۋگە مەجبٷر بولدى. ولار جۇمىسىن ۆاشينگتوندا كومەندانتتىق ساعات ەنگٸزگەن سوڭ جالعاستىردى.
كاپيتولييدەگٸ جاعدايدان 4 ادام قازا تاۋىپ, 52 ادام ۇستالدى.
9 قاراشاداعى سايلاۋدا بايدەن سايلاۋشىلار القاسىنىڭ 306 داۋىسىن, دونالد ترامپ 270 داۋىسىن العان. كەيٸن ترامپ سايلاۋ نەتيجەسٸمەن كەلٸسپەيتٸنٸن ايتىپ, سوتقا شاعىم تٷسٸرگەن. سوت ونىڭ 50 ارىزىن قاناعاتتاندىرماي تاستادى.
