Amerika Qurama Shtattary Dúniejúzilik densaýlyq saqtaý uiymynyń (DDU) quramynan shyǵady. Bul týraly QazAqparat BUU Jańalyqtar ortalyǵyna silteme jasap habarlaidy.
AQSh bul týraly DDU jarǵysynyń depozitariii sanalatyn - BUU Bas hatshysy Antoniý Gýterrishti habardar etken.
Sheshim 2021 jyly 6 shildede kúshine enýi tiis. Aqparatty BUU Bas hatshysynyń baspasóz hatshysy Stefan Diýjarrik rastady. Qurama Shtattary 1948 jyldyń 21 maýsymynan beri Dúniejúzilik densaýlyq saqtaý uiymynyń quramynda. Álem elderi Dúniejúzilik densaýlyq saqtaý uiymyna belgili bir shartpen qabyldanady. Uiym quramynan shyǵýǵa nietti memleket bul qadamy týraly bir jyl buryn habardar etýge tiis. Sondai-aq DDU aldyndaǵy óziniń qarjylyq mindettemelerin tolyq óteýge mindetti.
Al BUU Bas hatshysy DDU Jarǵysynyń depozitariii retinde ol memlekettiń Uiymnan shyǵýy úshin barlyq sharttardyń saqtalǵan-saqtalmaǵanyn tekseredi.
