AQSh Ortalyq barlaý basqarmasy (OBB) 1995 jyly Bill Klintonnyń prezidenttik jarlyǵymen qupiialylyǵyn joǵaltqan 775 myń qujatty (13 mln betten turady) jariia etti, dep habarlady QazAqparat.
CREST (CIA Records SearchTOOL
Olardyń basym bóligi – keńestik ǵalymdardyń ǵylymi referattarynyń, Qazaq memlekettik sáýlet-qurylys akademiiasynyń, S.M.Kirov atyndaǵy Qazaq memlekettik ýniversitetiniń, aýyl sharýashylyǵy, energetika jáne t.b. arnaiy mamandanǵan QazKSR institýttarynyń eńbekteriniń aýdarmasy. Qazaq KSR Ǵylym akademiiasynyń qyzmetine erekshe nazar aýdarylǵan: kadrlyq aýys-túiister men «Qazaq KSR Ǵylym akademiiasynyń habarshysynda» jaryq kórgen simpoziýmdar men jariialanymdar baqylanyp otyrǵan.
Muraǵat mazmunyna qarap, AQSh barlaý basqarmasynyń KSRO sekildi QazKSR-ǵa da asqan qyzyǵýshylyq tanytqanyn kóremiz. Muraǵatta ekologiia, mal sharýashylyǵy, etnopsihologiia, geografiia, geofizika, geologiia, meditsina, iadrolyq fizika, metallýrgiia, lingvistika, gidrometeorologiia jáne ózge salalar boiynsha ǵylymi zertteýlerdiń annotatsiialary bar.
Kóptegen gazet qiyndylary, KSRO kitaptarynyń aýdarmalary (Máselen, «Neke jáne otbasy qarym-qatynastary»), «Ǵylym jáne ómir» jýrnalynyń úzindileri jáne radiobaǵdarlamalardyń stenogrammasy Keńes Odaǵy respýblikalary jaily aqparattyń tirnektep jinalǵanyn dáleldeidi.
Muraǵatta saqtalǵan Shyńjań qazaqtarynyń ómir salty jáne Tibetke aýǵan qazaqtar jaily maǵlumattar qazaq tarihshylary men zertteýshileriniń qyzyǵýshylyǵyn týdyrary sózsiz.
Máselen, Shyńjań qazaqtary qarym-qatynasqa jeńil, sypaiy, qonaqjai jáne turmysta tazalyqty súietin halyq dep kórsetilgen. Jaǵymsyz qylyqtary jóninde jalqaýlyq, jigitterdiń orynsyz batyrsynatyny jazylǵan.
Sondai-aq, muraǵattaǵy derekterde kóshpendiler taǵamynyń 50% – sútten, 40% – etten jáne 10% – jarmadan turatyny aitylǵan.
«Olar kókónis múldem jemeidi, esesine, etti súisine jeidi. Jaqsy kóretin delikatesteri — jylqy etinen jasalǵan shujyq. Qoi etine qol jetimsiz kedei adamdar negizinen, sútpen jáne irimshikpen tamaqtanady, al bailar qoi etine basymdyq beredi. Jylqylar qazaq aýyz ádebietinde ásem, batyl jáne soǵysta senimdi serik retinde aitylyp kelgen. Jylqylar arasynda aq attyń eti delikates sanalady, al qoilardyń ishinen sary bastylardy unatady. Qazaqtar qymyzdy jaqsy kóredi… Olar óte myqty kóshpendiler», – delingen barlaýshylardyń habarlamasynda.
"Ult aqparat"
