اقش ورتالىق بارلاۋ باسقارماسى (وبب) 1995 جىلى بيلل كلينتوننىڭ پرەزيدەنتتٸك جارلىعىمەن قۇپييالىلىعىن جوعالتقان 775 مىڭ قۇجاتتى (13 ملن بەتتەن تۇرادى) جارييا ەتتٸ, دەپ حابارلادى قازاقپارات.
CREST (CIA Records SearchTOOL
ولاردىڭ باسىم بٶلٸگٸ – كەڭەستٸك عالىمداردىڭ عىلىمي رەفەراتتارىنىڭ, قازاق مەملەكەتتٸك سەۋلەت-قۇرىلىس اكادەميياسىنىڭ, س.م.كيروۆ اتىنداعى قازاق مەملەكەتتٸك ۋنيۆەرسيتەتٸنٸڭ, اۋىل شارۋاشىلىعى, ەنەرگەتيكا جەنە ت.ب. ارنايى ماماندانعان قازكسر ينستيتۋتتارىنىڭ ەڭبەكتەرٸنٸڭ اۋدارماسى. قازاق كسر عىلىم اكادەميياسىنىڭ قىزمەتٸنە ەرەكشە نازار اۋدارىلعان: كادرلىق اۋىس-تٷيٸستەر مەن «قازاق كسر عىلىم اكادەميياسىنىڭ حابارشىسىندا» جارىق كٶرگەن سيمپوزيۋمدار مەن جارييالانىمدار باقىلانىپ وتىرعان.
مۇراعات مازمۇنىنا قاراپ, اقش بارلاۋ باسقارماسىنىڭ كسرو سەكٸلدٸ قازكسر-عا دا اسقان قىزىعۋشىلىق تانىتقانىن كٶرەمٸز. مۇراعاتتا ەكولوگييا, مال شارۋاشىلىعى, ەتنوپسيحولوگييا, گەوگرافييا, گەوفيزيكا, گەولوگييا, مەديتسينا, يادرولىق فيزيكا, مەتاللۋرگييا, لينگۆيستيكا, گيدرومەتەورولوگييا جەنە ٶزگە سالالار بويىنشا عىلىمي زەرتتەۋلەردٸڭ اننوتاتسييالارى بار.
كٶپتەگەن گازەت قيىندىلارى, كسرو كٸتاپتارىنىڭ اۋدارمالارى (مەسەلەن, «نەكە جەنە وتباسى قارىم-قاتىناستارى»), «عىلىم جەنە ٶمٸر» جۋرنالىنىڭ ٷزٸندٸلەرٸ جەنە راديوباعدارلامالاردىڭ ستەنوگرامماسى كەڭەس وداعى رەسپۋبليكالارى جايلى اقپاراتتىڭ تٸرنەكتەپ جينالعانىن دەلەلدەيدٸ.
مۇراعاتتا ساقتالعان شىڭجاڭ قازاقتارىنىڭ ٶمٸر سالتى جەنە تيبەتكە اۋعان قازاقتار جايلى ماعلۇماتتار قازاق تاريحشىلارى مەن زەرتتەۋشٸلەرٸنٸڭ قىزىعۋشىلىعىن تۋدىرارى سٶزسٸز.
مەسەلەن, شىڭجاڭ قازاقتارى قارىم-قاتىناسقا جەڭٸل, سىپايى, قوناقجاي جەنە تۇرمىستا تازالىقتى سٷيەتٸن حالىق دەپ كٶرسەتٸلگەن. جاعىمسىز قىلىقتارى جٶنٸندە جالقاۋلىق, جٸگٸتتەردٸڭ ورىنسىز باتىرسىناتىنى جازىلعان.
سونداي-اق, مۇراعاتتاعى دەرەكتەردە كٶشپەندٸلەر تاعامىنىڭ 50% – سٷتتەن, 40% – ەتتەن جەنە 10% – جارمادان تۇراتىنى ايتىلعان.
«ولار كٶكٶنٸس مٷلدەم جەمەيدٸ, ەسەسٸنە, ەتتٸ سٷيسٸنە جەيدٸ. جاقسى كٶرەتٸن دەليكاتەستەرٸ — جىلقى ەتٸنەن جاسالعان شۇجىق. قوي ەتٸنە قول جەتٸمسٸز كەدەي ادامدار نەگٸزٸنەن, سٷتپەن جەنە ٸرٸمشٸكپەن تاماقتانادى, ال بايلار قوي ەتٸنە باسىمدىق بەرەدٸ. جىلقىلار قازاق اۋىز ەدەبيەتٸندە ەسەم, باتىل جەنە سوعىستا سەنٸمدٸ سەرٸك رەتٸندە ايتىلىپ كەلگەن. جىلقىلار اراسىندا اق اتتىڭ ەتٸ دەليكاتەس سانالادى, ال قويلاردىڭ ٸشٸنەن سارى باستىلاردى ۇناتادى. قازاقتار قىمىزدى جاقسى كٶرەدٸ… ولار ٶتە مىقتى كٶشپەندٸلەر», – دەلٸنگەن بارلاۋشىلاردىڭ حابارلاماسىندا.
"ۇلت اقپارات"
