Resei AQSh-taǵy sailaýaldy naýqanǵa aralasyp, Prezident Donald Tramptyń sailaý kampaniiasyna qoldaý kórsetýge tyrysyp jatyr. AQSh barlaý qyzmetiniń resmi ókilderi osylai dep málimdep, zań shyǵarý organdaryn eskertti.
Bul aqparatty derekkózge súiengen The New York Times habarlady. Basylymnyń jazýynsha, zań shyǵarý organdaryna esepti tanystyrǵan ulttyq barlaý qyzmetiniń ókili Shelbi Pirsonnyń sózine Donald Tramp narazy bolyp, bul derekti qarsylas-demokrattar ózine qarsy paidalanýy múmkin dep qynjylǵan.
AQSh barlaý qyzmetiniń dereginshe, Resei hakerleri bul joly kiberoperatsiiaǵa "erterek" kirisken. Olar AQSh aýmaǵynda ornalasqan serverler arqyly ǵana jumys istep, áleýmettik jelilerde jalǵan paraqshalar ashpai, saqtyq tanytqan. Olar Amerikanyń sailaýshylaryna basqa amaldar arqyly yqpal etýge tyrysyp jatyr.
Barlaý qyzmetiniń brifingi kezinde birneshe respýblikashyl Resei Donald Trampqa kómektesýge tyrysyp jatyr degen derekke kúmán keltirip, Tramptyń áreketi men saiasatynan Kreml edáýir zardap shekti dep daýlasqan. Tramp ákimshiliginiń Ýkrainaǵa áskeri kómek taǵaiyndaýy jáne Máskeý odaqtasy Iran rejimin alshaqtatqanyn mysal retinde keltirgen.
AQSh barlaý qyzmeti sarapshylarynyń aitýynsha, Kremldiń basty maqsaty - AQSh-taǵy sailaý naýqany kezinde ábigerlik týǵyzyp, sailaý qorytyndysyna senimsizdik týǵyzý.
