رەسەي اقش-تاعى سايلاۋالدى ناۋقانعا ارالاسىپ, پرەزيدەنت دونالد ترامپتىڭ سايلاۋ كامپانيياسىنا قولداۋ كٶرسەتۋگە تىرىسىپ جاتىر. اقش بارلاۋ قىزمەتٸنٸڭ رەسمي ٶكٸلدەرٸ وسىلاي دەپ مەلٸمدەپ, زاڭ شىعارۋ ورگاندارىن ەسكەرتتٸ.
بۇل اقپاراتتى دەرەككٶزگە سٷيەنگەن The New York Times حابارلادى. باسىلىمنىڭ جازۋىنشا, زاڭ شىعارۋ ورگاندارىنا ەسەپتٸ تانىستىرعان ۇلتتىق بارلاۋ قىزمەتٸنٸڭ ٶكٸلٸ شەلبي پيرسوننىڭ سٶزٸنە دونالد ترامپ نارازى بولىپ, بۇل دەرەكتٸ قارسىلاس-دەموكراتتار ٶزٸنە قارسى پايدالانۋى مٷمكٸن دەپ قىنجىلعان.
اقش بارلاۋ قىزمەتٸنٸڭ دەرەگٸنشە, رەسەي حاكەرلەرٸ بۇل جولى كيبەروپەراتسيياعا "ەرتەرەك" كٸرٸسكەن. ولار اقش اۋماعىندا ورنالاسقان سەرۆەرلەر ارقىلى عانا جۇمىس ٸستەپ, ەلەۋمەتتٸك جەلٸلەردە جالعان پاراقشالار اشپاي, ساقتىق تانىتقان. ولار امەريكانىڭ سايلاۋشىلارىنا باسقا امالدار ارقىلى ىقپال ەتۋگە تىرىسىپ جاتىر.
بارلاۋ قىزمەتٸنٸڭ بريفينگٸ كەزٸندە بٸرنەشە رەسپۋبليكاشىل رەسەي دونالد ترامپقا كٶمەكتەسۋگە تىرىسىپ جاتىر دەگەن دەرەككە كٷمەن كەلتٸرٸپ, ترامپتىڭ ەرەكەتٸ مەن ساياساتىنان كرەمل ەدەۋٸر زارداپ شەكتٸ دەپ داۋلاسقان. ترامپ ەكٸمشٸلٸگٸنٸڭ ۋكرايناعا ەسكەري كٶمەك تاعايىنداۋى جەنە مەسكەۋ وداقتاسى يران رەجيمٸن الشاقتاتقانىن مىسال رەتٸندە كەلتٸرگەن.
اقش بارلاۋ قىزمەتٸ ساراپشىلارىنىڭ ايتۋىنشا, كرەملدٸڭ باستى ماقساتى - اقش-تاعى سايلاۋ ناۋقانى كەزٸندە ەبٸگەرلٸك تۋعىزىپ, سايلاۋ قورىتىندىسىنا سەنٸمسٸزدٸك تۋعىزۋ.
