AQSh aqparattyq jáne ǵarysh tehnologiiasy, jasandy intellekt jáne áskeri ónerkásip salasynda Resei men Qytaiǵa qarsy turmaq. AQSh prezidentiniń jańa tehnologiia boiynsha ulttyq strategiiasy jariialanǵannan keiin Aq úi osylai dep málimdedi. Bul týraly Azattyq agenttigi habarlady.
Qujatta Máskeý men Pekinniń tehnologiia urlaýmen ainalysatyny, ózge kompaniialardy intellektýal menshikti berýge májbúrlep, naryq erejelerin buzatyny jazylǵan.
Aq úi "Vashington ulttyq qaýipsizdik boiynsha innovatsiialyq bazasyn jańartyp, amerikalyq ónimderge tehnologiialyq turǵyda artyqshylyq beredi" dep atap ótken.
AQSh Reseidi aqparattyq tehnologiia salasynda búlik uiymdastyrdy, atap aitqanda Ýkraina, Grýziia, AQSh-qa kibershabýyl jasap, "trollder fabrikasynyń" kómegimen internette jalǵan aqparat taratty dep birneshe ret aiyptaǵan. Kibershabýyldarǵa Reseidiń arnaiy qyzmeti men biznesmen Evgenii Prigojinmen bailanysty organ qyzmetkerleriniń qatysy bary aityldy.
Máskeý barlyq aiyptaýlardy joqqa shyǵarady. Qyrkúiek aiynyń sońynda Resei prezidenti Vladimir Pýtin AQSh-qa "bir-biriniń ishke isine aralaspaýǵa kepildik berý" týraly usynys jasaǵan. Pýtinniń pikirinshe, Máskeý men Vashington halyqaralyq aqparattyq qaýipsizdik salasynda ortaq baǵdarlama jasap shyǵarýy tiis. Amerika tarabynyń bul usynysqa jaýaby jariialanbady.
