اقش اقپاراتتىق جەنە عارىش تەحنولوگيياسى, جاساندى ينتەللەكت جەنە ەسكەري ٶنەركەسٸپ سالاسىندا رەسەي مەن قىتايعا قارسى تۇرماق. اقش پرەزيدەنتٸنٸڭ جاڭا تەحنولوگييا بويىنشا ۇلتتىق ستراتەگيياسى جارييالانعاننان كەيٸن اق ٷي وسىلاي دەپ مەلٸمدەدٸ. بۇل تۋرالى ازاتتىق اگەنتتٸگٸ حابارلادى.
قۇجاتتا مەسكەۋ مەن پەكيننٸڭ تەحنولوگييا ۇرلاۋمەن اينالىساتىنى, ٶزگە كومپانييالاردى ينتەللەكتۋال مەنشٸكتٸ بەرۋگە مەجبٷرلەپ, نارىق ەرەجەلەرٸن بۇزاتىنى جازىلعان.
اق ٷي "ۆاشينگتون ۇلتتىق قاۋٸپسٸزدٸك بويىنشا يننوۆاتسييالىق بازاسىن جاڭارتىپ, امەريكالىق ٶنٸمدەرگە تەحنولوگييالىق تۇرعىدا ارتىقشىلىق بەرەدٸ" دەپ اتاپ ٶتكەن.
اقش رەسەيدٸ اقپاراتتىق تەحنولوگييا سالاسىندا بٷلٸك ۇيىمداستىردى, اتاپ ايتقاندا ۋكراينا, گرۋزييا, اقش-قا كيبەرشابۋىل جاساپ, "تروللدەر فابريكاسىنىڭ" كٶمەگٸمەن ينتەرنەتتە جالعان اقپارات تاراتتى دەپ بٸرنەشە رەت ايىپتاعان. كيبەرشابۋىلدارعا رەسەيدٸڭ ارنايى قىزمەتٸ مەن بيزنەسمەن ەۆگەنيي پريگوجينمەن بايلانىستى ورگان قىزمەتكەرلەرٸنٸڭ قاتىسى بارى ايتىلدى.
مەسكەۋ بارلىق ايىپتاۋلاردى جوققا شىعارادى. قىركٷيەك ايىنىڭ سوڭىندا رەسەي پرەزيدەنتٸ ۆلاديمير پۋتين اقش-قا "بٸر-بٸرٸنٸڭ ٸشكە ٸسٸنە ارالاسپاۋعا كەپٸلدٸك بەرۋ" تۋرالى ۇسىنىس جاساعان. پۋتيننٸڭ پٸكٸرٸنشە, مەسكەۋ مەن ۆاشينگتون حالىقارالىق اقپاراتتىق قاۋٸپسٸزدٸك سالاسىندا ورتاق باعدارلاما جاساپ شىعارۋى تيٸس. امەريكا تارابىنىڭ بۇل ۇسىنىسقا جاۋابى جارييالانبادى.
