Aqsai qalasynda toǵyz qabatty úidiń qabyrǵasyna uly Abaidyń sýreti salyndy, dep habarlaidy "Ult aqparat".
Mýraldyń janyna adamzatty adaldyqqa, izgilik ataýlyǵa shaqyratyn aqyn óleńiniń joldary jazylǵan.
Kompozitsiianyń ashylý rásimine qatysqan aýdan ákimi Mirjan Satqanov Abaidyń 175 jyldyǵyna orai 175 is-sharanyń jyl sońyna deiin jalǵasatynyn jetkizdi.
Atalmysh sharaǵa QR Sybailas jemqorlyqqa qarsy is-qimyl agenttiginiń BQO boiynsha departamenti bastamashy boldy.
«Abaidyń «Paida oilama, ar oila» degen sózi qazirgi tańda da mán-mańyzyn joiǵan joq. Aldaǵy ýaqytta turǵyndardy adal ómir súrýge úndeitin mýraldar men bilbordtar basqa aýdandarda da boi kóteredi. Uly tulǵalarymyzdyń danalyq sózderi keiingi urpaqqa oi salyp, adaldyqtyń aq jibin attamaýyna septesetin bolady», dedi departament basshysynyń birinshi orynbasary Nurdáýlet Sámet.
«Aqjaiyq – adaldyq alańy» jobasy aiasynda salynǵan mýraldyń demeýshileri – «RENKO» jáne «Aiala» JShS. Uly aqynnyń beinesin salýǵa Daria jáne Iakov Poleshýkter 15 kún ýaqytyn jumsaǵan. Abaidyń jan dúniesin, ishki tolǵanysyn kórsetý úshin sýretshiler qoiý qanyq tústerdi kóbirek paidalanǵan. Mýraldy túngi mezgilde jaryqtandyrý da qarastyrylǵan.
Endi qala turǵyndary men qonaqtary 10-shaǵynaýdannan Abai beinesin kórip turatyn bolady.
