اقساي قالاسىندا توعىز قاباتتى ٷيدٸڭ قابىرعاسىنا ۇلى ابايدىڭ سۋرەتٸ سالىندى, دەپ حابارلايدى "ۇلت اقپارات".
مۋرالدىڭ جانىنا ادامزاتتى ادالدىققا, ٸزگٸلٸك اتاۋلىعا شاقىراتىن اقىن ٶلەڭٸنٸڭ جولدارى جازىلعان.
كومپوزيتسييانىڭ اشىلۋ رەسٸمٸنە قاتىسقان اۋدان ەكٸمٸ ميرجان ساتقانوۆ ابايدىڭ 175 جىلدىعىنا وراي 175 ٸس-شارانىڭ جىل سوڭىنا دەيٸن جالعاساتىنىن جەتكٸزدٸ.
اتالمىش شاراعا قر سىبايلاس جەمقورلىققا قارسى ٸس-قيمىل اگەنتتٸگٸنٸڭ بقو بويىنشا دەپارتامەنتٸ باستاماشى بولدى.
«ابايدىڭ «پايدا ويلاما, ار ويلا» دەگەن سٶزٸ قازٸرگٸ تاڭدا دا مەن-ماڭىزىن جويعان جوق. الداعى ۋاقىتتا تۇرعىنداردى ادال ٶمٸر سٷرۋگە ٷندەيتٸن مۋرالدار مەن بيلبوردتار باسقا اۋدانداردا دا بوي كٶتەرەدٸ. ۇلى تۇلعالارىمىزدىڭ دانالىق سٶزدەرٸ كەيٸنگٸ ۇرپاققا وي سالىپ, ادالدىقتىڭ اق جٸبٸن اتتاماۋىنا سەپتەسەتٸن بولادى», دەدٸ دەپارتامەنت باسشىسىنىڭ بٸرٸنشٸ ورىنباسارى نۇردەۋلەت سەمەت.
«اقجايىق – ادالدىق الاڭى» جوباسى اياسىندا سالىنعان مۋرالدىڭ دەمەۋشٸلەرٸ – «RENKO» جەنە «ايالا» جشس. ۇلى اقىننىڭ بەينەسٸن سالۋعا داريا جەنە ياكوۆ پولەششۋكتەر 15 كٷن ۋاقىتىن جۇمساعان. ابايدىڭ جان دٷنيەسٸن, ٸشكٸ تولعانىسىن كٶرسەتۋ ٷشٸن سۋرەتشٸلەر قويۋ قانىق تٷستەردٸ كٶبٸرەك پايدالانعان. مۋرالدى تٷنگٸ مەزگٸلدە جارىقتاندىرۋ دا قاراستىرىلعان.
ەندٸ قالا تۇرعىندارى مەن قوناقتارى 10-شاعىناۋداننان اباي بەينەسٸن كٶرٸپ تۇراتىن بولادى.
