Analitikalyq kredittik reiting agenttiginiń (RF) jańartylǵan esebine sáikes, baǵalaý turaqtylyǵynyń faktorlary odan ári ekonomikalyq ósý áleýeti, qurylymdyq, ekonomikalyq jáne monetarlyq saiasattyń tiimdiligi, naryqtar men qorlandyrý kózderine qoljetimdilik, boryshtyq ornyqtylyq boldy, dep habarlaidy primeminister.kz.
Qazaqstannyń egemendi kredittik reitingi ál-aýqattyń salystyrmaly túrde joǵary deńgeiine, memlekettik boryshtyń qalypty deńgeiine, QRUQ-daǵy ótimdi aktivterdiń eleýli kólemine jáne halyqaralyq rezervterdiń jetkilikti kólemine negizdelgen.
Qazaqstannyń egemen kredittik reitingi boiynsha boljamnyń «teristen» «turaqtyǵa» ózgerýi 2020 jylǵy syrtqy jáne ishki shoktardan týyndaǵan syn-tegeýrinderdiń álsireýimen bailanysty.
2020 jyly Qazaqstan ekonomikasynyń ósý qarqyny -2,6%-dy qurady, bul damyǵan elder tobymen (-5,4%) salystyrǵanda da, damýshy elder tobymen (-5%) salystyrǵanda da aitarlyqtai turaqty kórsetkish bolyp otyr.
AKRA 2021 jyly ekonomikalyq ósimniń 3,8%-ǵa deiin qalpyna kelýin kútýde. 2021 jyly AKRA infliatsiianyń nysanaly dáliz sheńberine qaita oralýyn kútýde (4-6%).
Bul ulttyq valiýtaǵa qysymnyń tómendeýine jáne 2020 jylǵy infliatsiialyq soqqy áseriniń sarqylýyna bailanysty bolady.
Ótken jyly teńgeniń AQSh dollaryna qatysty qunsyzdanýy orta eseppen 8% qurady jáne ol ótken daǵdarys kezinde tirkelgen deńgeiden edáýir tómen boldy (2016 jyly - 54%).
Qazaqstan daǵdarys jylynan kóptegen damyǵan jáne damýshy eldermen salystyrǵanda memlekettik boryshtyń ortasha ulǵaiýymen shyqty.
AKRA 2020 jyldyń aiaǵynda memlekettik qaryzdyń JIÓ-niń 24,5%-yna deiin ósýin qalypty retinde baǵalaidy jáne 2021 jylǵa memlekettik borysh deńgeii biýdjet tapshylyǵynyń tómendeýi jáne ekonomikanyń qalpyna kelýi jaǵdaiynda turaqty bolyp qala beredi dep kútedi.
Memlekettik qaryzdyń turaqty jáne ortasha deńgeii Qazaqstanǵa bolashaqta kontrtsikldi biýdjettik saiasatty qoldanýǵa múmkindik beredi.
Manevr jasaý múmkindigi Qazaqstan ekonomikasynyń áleýetti syrtqy shoktarǵa turaqtylyǵyn arttyrady.
AKRA atap ótkendei, qoǵamdyq institýttar da, memlekettik institýttar da sońǵy ýaqytta oń ózgeristerdi baiqatyp otyr.
AKRA Reformalar jónindegi joǵarǵy keńesti jáne Strategiialyq josparlaý jáne reformalaý agenttigin qurýdyń mańyzyn atap ótedi.
Bul Qazaqstannyń memlekettik basqarý júielerin reformalaýǵa baǵyttalǵanyn aiǵaqtaidy.
Oń áser etetin uzaq merzimdi taǵy bir faktor — adam kapitalyn jaqsartý.
Dúniejúzilik banktiń 2020 jylǵa arnalǵan baǵalaýynsha, Qazaqstannyń adam kapitalynyń indeksi - Ortalyq Aziia elderi boiynsha ortasha deńgeiden joǵary jáne salystyrylatyn elder tobynyń reiting sanaty boiynsha eń joǵarǵylardyń biri.
