- Aldaǵy ýaqytta Qazaqstannyń elordasy - Astana qalasynyń ataýyna Memleket basshysy Nursultan Nazarbaevtyń esimin qosý tóńireginde san alýan talqylaýlar bolady.
Ásirese, áleýmettik jelilerde atalǵan bastamaǵa qoldaý bildirýmen qatar, qarsylyq aitatyndar da bolatyny xaq. Ministrlik ondai adamdardy baqylai ma? Sarapshylardyń búgingi kezdesýinde QR Aqparat jáne kommýnikatsiialar ministri Dáýren Abaev osy suraqqa jaýap berdi, dep xabarlaidy QazAqparat.
"Ondai adamdarǵa qatysty eshqandai jumys júrgizilmeidi. Mynaý bylai oilaidy eken, anaý bylai oilaidy eken dep, onyń sanyn sanap otyratyn bizdiń ýaqytymyz da, maqsatymyz da joq. Bizdiń basty maqsatymyz - memleket tarapynan jasalyp jatqan jumysty keńinen túsindirý. Aýyl sharýashylyǵy bolsyn, meditsina bolsyn, sport bolsyn, ár salada qyrýar jumystar atqarylyp jatyr. Biz bárin túsinemiz, ol adamdar búgin bylai oilaidy, erteń basqasha oilaýy da ábden múmkin. Árqaisysyn eseptep otyrsaq, ýaqytymyz da, kúshimiz de jetpeidi", - dep atap kórsetti D.Abaev.
Aita keteiik, Sarapshylardyń búgingi kezdesýinde QR Aqparat jáne kommýnikatsiialar ministri Dáýren Abaev aqparattyq qaýipsizdiktiń osal tusy týrasynda aityp bergen bolatyn.
Sondai-aq táýelsiz otandyq jýrnalistikasyna qatysty óz oiyn bildirdi.
Eske salaiyq, búgin QR Parlamentiniń birlesken otyrysynda «Táýelsizdiktiń 25 jyldyǵy Qazaqstan jetistikteriniń deklaratsiiasy» qabyldanyp, onda Elbasynyń esimin elordanyń jáne elimizdiń basqa da nysandarynda kórsetý usynyldy.
.jpeg)