QR Aqparat jáne qoǵamdyq damý ministri Aida Balaeva elimizdiń shekara mańyndaǵy aýmaqtarda habar taratý jelisin damytý jumystaryn aitty, dep habarlaidy "Ult aqparat".
«Biyl bizdiń aldymyzda júzege asyrylatyn mańyzdy mindetter tur. Onyń ishinde eń bastylarynyń biri – memlekettiń aqparattyq qaýipsizdigin qamtamasyz etý jáne aqparattyq-ideologiialyq jumystar», - dedi Balaeva ministrliktiń keńeitilgen alqa májilisinde.
Onyń aitýynsha, shekara mańyndaǵy aýmaqtar boiynsha tiisti jumystar bastaldy. Osyǵan deiin bul taqyryp ózekti bolǵan edi.
«Shekara mańyndaǵy aýmaqtarda memlekettik radiohabar taratý jelisin damytý boiynsha Jol kartasy ázirlendi. Radiojiilikterge tiisti konkýrs jariialandy. Basymdyqty tártipte aqparattyq-analitikalyq baǵyttaǵy baǵdarlamalar qaralatyny túsinikti», - dedi vedomstvo basshysy.
