«Rýhani jańǵyrý» baǵdarlamasy aiasynda qazaqstandyqtardyń qazirgi zamanǵy syn-talaptarǵa tótep bere alatyn jáne jeke kásibi qasietterin damytatyn is-sharalar qolǵa alynady. Bul týraly QR Aqparat jáne qoǵamdyq damý vitse-ministri Bolat Tilepov aitty, dep habarlaidy QazAqparat.
«Qazirgi tańda ministrliktiń aldynda «Rýhani jańǵyrý» baǵdarlamasyn jańa jaǵdaiǵa beiimdeitin birqatar mindet tur. Onyń negizgisi – bul ulttyq erekshelikti saqtai otyryp, qazaqstandyqtardyń qazirgi zamanǵy syn-talaptarǵa tótep bere alatyn jáne jeke kásibi qasietterin damytatyn is-sharalar. Bul rette bizdiń qolymyzda qazirgi tańda birneshe arnaiy jobanyń nusqalary bar. Máselen, pragmatikalyq ómir saltyn dáripteitin, únem qýaty umyt bolǵan, biraq, izgilik jáne tárbielik qundylyq turǵysynan qazirgi zamanda ózekti bolyp sanalatyn salt-sanany dáripteitin «Dástúr men ǵuryp«, eldiń quqyqtyq mádenietin ashatyn «Quqyqtyq mádeniet», eńbekqorlyq, masyldyqtan bas tartý siiaqty qasietterdi dáripteitin «Eńbek eldiń muraty« degen bastamalar bar», - dedi vitse-ministr Ortalyq kommýnikatsiialar qyzmetindegi baspasóz máslihatynda.
Vitse-ministrdiń aitýynsha, olardyń qamtityn taqyryptyq aiasy ataýynan áldeqaida keń. Atap aitqanda, oǵan óskeleń urpaqtyń minez-qulqyn qalyptastyrý, salaýatty ómir salty mádenieti, estetikalyq talǵamǵa baýlý, iaǵni tamaqtaný mádenietinen bastap mýzyka, ádebiet, teatr siiaqty tereń dúnielerdi qabyldaý, azamattardyń ózńiniń qarapaiym quqyqtaryn qorǵai bilýi, kásip jasaý siiaqty qabiletterin arttyrý jáne basqalary kiredi.
«Mysalǵa alar bolsaq, ótkende el Prezindetiniń kótergen úlken bastamasy – qoǵamnyń ekologiialyq saýatyn ashý men ekomádenietin kóterý máselesi de kiredi. Nemese «Kitapsúier ult« uranymen jastardy, ásirese, mektep jasyndaǵy balalardy kitap oqýǵa baýlýdyń mańyzy zor. Óitkeni, ózderińiz bilesizder, kitap qashanda rýhani kemeldiktiń birden-bir ólshemi bolǵan, bola da bermek», - dedi Bolat Tilepov.
.jpeg)