Qasym-Jomart Toqaevtyń sailaýaldy baǵdarlamasyn júzege asyrý aiasynda Aqparat jáne qoǵamdyq damý ministrliginde qoǵamdyq qabyldaý bólmesi ashyldy. Bul jóninde ministrliktiń baspasóz qyzmeti habarlady.
Qabyldaý bólmesi ár aidyń sońǵy sársenbisinde saǵat 11.00-den 13.00-ge deiin jumys isteidi. Osy ýaqytta Nur-Sultan qalasyndaǵy «Qazmedia ortalyǵy» ǵimaratynda tiisti vitse-ministrler, ministrliktiń qurylymdyq bólimsheleri men vedomstvolyq baǵynysty uiym basshylary kópshiliktiń suraqtaryna jaýap beredi.
«30 qazanda biz barshańyzdy jumysymyzǵa qatysty máseleler boiynsha óz pikir-usynys, tilekterińizdi bildirýge shaqyramyz. Biz árqashan ashyq jáne syndarly dialogqa daiynbyz» dep málim etti ministrlikten.
Ministrliktiń resmi saitynda nemese myna telefon nómiri arqyly aldyn ala jazylýǵa bolady: 8 (7172) 74-04-98.
