NEET sanatyndaǵy jastardy qoldaýdy iske asyramyz. Bul týraly QR Aqparat jáne qoǵamdyq damý ministri Aida Balaeva málim etti, dep habarlaidy QazAqparat.
«Jalpy, jastar máselesi - bul tutas memlekettiń kelesheginiń máselesi. Oǵan kelgende biz, birinshiden, ár óńirdiń ereksheligin eskerýimiz kerek. Osyǵan orai, qazir ministrlik barlyq óńirlerde jastar máselesi boiynsha qoǵamdyq tyńdaýlar ótkizip, sol jerdiń áleýmettik-ekonomikalyq, mádeni-rýhani yńǵaiyna qarai nátijeli usynystar men sheshimder qalyptastyratyn bolamyz», - dedi A. Balaeva ministrliktiń keńeitilgen alqa májilisinde.
Onyń aitýynsha, ár óńir boiynsha tiisti Is-sharalar josparyn jasap, onyń ishinde NEET sanatyndaǵy jastardy qoldaý iske asyrylatyn bolady.
Budan buryn habarlanǵandai, ministr aldaǵy ýaqytta qaiyrymdylyq jáne volonterlik jónindegi zań jobalaryn jetildirý josparda bar ekenin aitty.
«Ózderińiz kýá boldyńyzdar, Prezident bastamasymen jariialanǵan «Volonterler jyly» – eriktiler qozǵalysynyń damýyna tyń serpin bergen jasampaz joba boldy. Sondyqtan da, el Prezidenti Úkimetke bul jumysty turaqty túrde jalǵastyrýdy tapsyrdy. Qazir arnaiy Jol kartasy jasaqtalyp, iske asýǵa daiyn. Munyń ózi - «Volonterlik» uǵymnyń aýqymy keń jáne ol bir jylmen nemese bir joba aiasynda ǵana shektelmeitindigin kórsetedi», - dedi ministr.
.jpeg)