Aqpan aiynda iz-túzsiz joǵalyp ketken atyraýlyq jigittiń denesi tabyldy, dep habarlaidy "Ult aqparat".
Budan buryn habarlaǵanymyzdai, Atyraý qalasyna ornalasqan Qaiyrshaqty aýylynyń turǵyny Naýryz Áitekeshev 5 aqpanda úiinen shyǵyp ketip, qaita oralmaǵan. Al, 6 aqpanda keshten bastap politsiia men qutqarýshylar 30 jastaǵy jigitti izdeýge kiristi. Alaida osy kezge deiin onyń esh deregi shyqpaǵan edi.
Oblystyq politsiia departamenti baspasóz qyzmetiniń málimetinshe, eki aidan astam izdeýde bolǵan jigittiń denesi ótken senbide, 17 sáýirde saǵat 13:00 shamasynda tabylǵan.
«Joǵalǵan jigittiń denesi «Atyraý-Inder» baǵytyndaǵy jol boiynda, Talqairań eldi mekeni aýmaǵynda ornalasqan sharýa qojalyǵynyń konteinerinen tabyldy. Múrdeni qaraý kezinde dene jaraqaty baiqalmady. Múrde saraptamaǵa tapsyryldy» -dep habarlady departamenttiń baspasóz qyzmetinen.
