اقپان ايىندا ٸز-تٷزسٸز جوعالىپ كەتكەن اتىراۋلىق جٸگٸتتٸڭ دەنەسٸ تابىلدى, دەپ حابارلايدى "ۇلت اقپارات".
بۇدان بۇرىن حابارلاعانىمىزداي, اتىراۋ قالاسىنا ورنالاسقان قايىرشاقتى اۋىلىنىڭ تۇرعىنى ناۋرىز ەيتەكەشەۆ 5 اقپاندا ٷيٸنەن شىعىپ كەتٸپ, قايتا ورالماعان. ال, 6 اقپاندا كەشتەن باستاپ پوليتسييا مەن قۇتقارۋشىلار 30 جاستاعى جٸگٸتتٸ ٸزدەۋگە كٸرٸستٸ. الايدا وسى كەزگە دەيٸن ونىڭ ەش دەرەگٸ شىقپاعان ەدٸ.
وبلىستىق پوليتسييا دەپارتامەنتٸ باسپاسٶز قىزمەتٸنٸڭ مەلٸمەتٸنشە, ەكٸ ايدان استام ٸزدەۋدە بولعان جٸگٸتتٸڭ دەنەسٸ ٶتكەن سەنبٸدە, 17 سەۋٸردە ساعات 13:00 شاماسىندا تابىلعان.
«جوعالعان جٸگٸتتٸڭ دەنەسٸ «اتىراۋ-يندەر» باعىتىنداعى جول بويىندا, تالقايراڭ ەلدٸ مەكەنٸ اۋماعىندا ورنالاسقان شارۋا قوجالىعىنىڭ كونتەينەرٸنەن تابىلدى. مٷردەنٸ قاراۋ كەزٸندە دەنە جاراقاتى بايقالمادى. مٷردە ساراپتاماعا تاپسىرىلدى» -دەپ حابارلادى دەپارتامەنتتٸڭ باسپاسٶز قىزمەتٸنەن.
