Áleýmettik jelilerde Aqorda qaqpasyna soqtyǵysqan Porsche Cayenne kóliginiń sýretteri paida boldy. IID ókilderi bolǵan oqiǵanyń mán-jaiyn aityp berdi, - dep habarlaidy "Ult aqparat" Tengrinews.kz agenttigine siltem jasap.
"17 qańtarǵa qaraǵan túni bolǵan jol-kólik oqiǵasy deregi boiynsha qyzmettik tekseris júrgizilip, onyń barysynda Astana qalalyq IID ÁPQ JPP arnaiy batalony qyzmetiniń inspektory, politsiianyń aǵa leitenanty E.Imanbekovtiń Dostyq kóshesimen kele jatyp, muztaiǵaq jaǵdaiynda tizginge ie bola almai, qaqpaǵa soqtyǵysyp, sóitip qaqpany búldirgeni anyqtalǵan. Eshkim zardap shekken joq", - dedi IID ókilderi.
Politsiiadaǵylardyń aitýynsha, jol apatyn jasaǵan E.Imanbekov QR ishki ister organdary qyzmetinen shyǵarylǵan.
Sondai-aq, qolastyndaǵylardyń jeke-tárbielik jumysyn álsiz uiymdastyrǵany úshin osy bólimsheniń birqatar jetekshisi qatań tártiptik jazaǵa tartylǵan.
