Elbasy N.Á.Nazarbaevtyń "Qazaqstannyń úshinshi jańǵyrýy: Jahandyq báseke qabilettilik" atty Joldaýynda eńbek naryǵyn jańǵyrtýdy óz erkimen júzege asyrýdy aityp, eńbek kúshi mol aimaqtan jumys qolynyń tapshylyǵy seziletin óńirge qonystandyryp eńbek naryǵynyń tepe- teńdigin saqtaýdy mindettedi. Bul rette OQO ákimdigi tarapynan óńirdiń halqy tyǵyz ornalasqan aýdan, qalalarynan Aqmola oblysyna qonys aýdarý jóninde yntymaqtastyq týraly memorondýmǵa qol qoiylǵan. Osy rette Aqmola oblysy, Kókshetaý qalasy "Novopek" JShS-niń ókilderi óz erkimen qonys aýdarýshylarmen kezdesýdi bastap ketti. Bul týraly Óńirlik kommýnikatsiia qyzmetinde ótken brifingte oblys əkiminiń orynbasary E.Sadyr məlim etti, dep habarlaidy "Ult aqparat".
Onyń aitýynsha, polimerli qaptama shyǵaratyn kompaniia basshylyǵy oblysqa arnaiy kelip, kúngeiden 600-den asa jumysshyny zaýytqa shaqyryp jatqanyn aitty.
Seriktestik keden odaǵynyń normalaryna sáikes polipropilen qaptary men jumsaq konteinerler shyǵaratyn zaýyttardyń biri sanalady. 2003 jyly qurylǵannan beri Novopek polimerli oraý sheshimderin ázirleýge, óndirýge jáne jetkizýge mamandanǵan. Qazirgi kezde aýdany shamamen 45 myń sharshy metrdi quraityn óndiristik keshende 600 adam jumys isteidi. Búgingi kúni kompaniia basshysy Kókshetaý qalasyndaǵy zaýytta jumys istegisi keletin azamattar bolsa, olarǵa barlyq jaǵdaidy jasaimyz dep sendirdi. Onyń sózinshe qazir zaýytta jumys kúshiniń jetpeýi saldarynan kóptegen qondyrǵylar toqtap tur. Al eger qosymsha 600 den astam jumysshy kelse ónimdilikti eki esege deiin arttyryp, eýropa naryǵyna da shyǵýǵa múmkindik bar. Iaǵni qazir aiyna 6 mln danadai qap tigilse, onyń kólemi 11 mln-ǵa deiin artady.
«Zaýytqa negizinen úsh mamandyq boiynsha, mashinister, operatorlar men tiginshiler qajet. Kelgen jumysshylardy aldymen arnaiy kýrstarda oqytyp, ol kezeńge 40 myń teńgeden stipendiia beremiz. Odan keiin jumysqa qabyldanyp, jataqhanamen qamtylady. Jalaqylary 80-150 myń teńgeniń aralyǵynda. Tamaqtardyń baǵasy 300 teńgeden aspaidy. Qazirgi tańda zaýyttyń janynan turǵyn úi kesheni salynýda. Ol jerge 300-dei jumysshy qonystanatyn bolady. Sondyqtan biz jumysshylardy otbasylarymen de kelse qabyldaimyz. Aldaǵy ýaqytta olarǵa qala aýmaǵynan úi irgelik jer bólý máselesi de qaralyp jatyr», - dedi Aidar Jaqypov.
Tórtkúndik sapary barysynda zaýyt basshylyǵy Túrkistan qalasy men Sairam, Saryaǵash aýdanynyń turǵyndarymen kezdesedi dep kútilýde.
