Foto: ashyq derekkóz
Qarjy monitoringi agenttiginiń (QMA) Aqmola oblysy boiynsha departamenti prokýratýranyń úilestirýimen «Nurly jer» memlekettik turǵyn úi qurylysy baǵdarlamasy aiasynda biýdjet qarajatyn jymqyrý faktisi boiynsha tergeýdi aiaqtady, dep habarlaidy Ult.kz.
2020 jyly «Qurylys bólimi» memlekettik mekemesi men «NIKS Injiniring Grýpp IV» JShS arasynda 500 mln teńgeden astam somaǵa kelisimshart jasalǵan.
Alaida merdiger kompaniia 3 jyl boiy qurylys bólimi basshysynyń kómegimen is júzinde oryndalmaǵan jumystarǵa jalǵan qabyldaý aktilerin rásimdegen.
Merdigerge qatysty qamaýda ustaý túrindegi bultartpaý sharasy qoldanyldy. Osylaisha memleketke 152 mln teńge kóleminde ziian keltirilgen. Sot sanktsiiasymen kúdiktilerdiń jalpy quny 100 mln teńgeden astam múlkine tyiym salyndy.
Qazirgi ýaqytta qylmystyq is sotqa joldandy.
Aita keteiik, «Nurly jer» baǵdarlamasy eldegi áleýmettik osal toptardyń turǵyn úige qoljetimdiligin arttyrýdy kózdeidi.
