Astrahan aýdanynda joǵalǵan balyqshynyń denesi tabyldy, dep habarlaidy "Ult aqparat" Tótenshe jaǵdailar ministrligine silteme jasap.
Búgin saǵat 16.30 shamasynda Aqmola oblysy tótenshe jaǵdailar departamentiniń qutqarýshylary Astrahan aýdanynyń Barshyn kólinen 23 qazanda joǵalyp ketken er adamnyń denesin tapty. Bul týraly QR TJM resmi ókili Talǵat Ýáli habarlady.
Esterińizge sala keteiik, 23 qazanda Astrahan aýdany Uzynkól aýyldyq okrýginiń Barshyn kóline tórt adam balyq aýlaý úshin barǵan bolatyn. Sol kúni keshke úsheýi metall motorly qaiyqpen kólde júzgen.
Al bireýi jaǵalaýda qalǵan. 28 qazanda izdeý toby eki balyqshynyń denesin tapty. Al úshinshi balyqshyny izdeý jumysy 14 kúnge sozyldy.
Búgingi kúni Barshyn kólindegi izdestirý jumystaryna úsh júzý quralynda quramyna 15 adam kiretin úsh súńgýir toby, aýdan ákimdiginiń, politsiia bóliminiń qyzmetkerleri, balyqshynyń týystary men janashyr turǵyndar qatysty.
Kóldiń aýdany 40 shaqyrymnan astam ári onyń kóp bóligin qamys basyp ketkendikten izdestirý jumysynda qiyndyq týyndady.
Qutqarýshylar balyqshylarǵa balyq aýlaýdy jeke qutqarý quraldary bolǵan kezde ǵana júzege asyrýdy usynady. Eger siz qaiyqpen balyq nemese ań aýlaýǵa shyqsańyz, onda qaiyq tehnikalyq jaǵynan jaramdy, sý tógetin jáne qutqarý quraldarymen jabdyqtalǵan bolýy kerek.
Qaiyqta bolǵan kezde mindetti túrde qutqarý keýdeshesin kiiý jáne eshqandai oqys qimyl jasamaý, bortta eńkeimeý, qaiyqta turmaý jáne qozǵalmaý qajet.
