استراحان اۋدانىندا جوعالعان بالىقشىنىڭ دەنەسٸ تابىلدى, دەپ حابارلايدى "ۇلت اقپارات" تٶتەنشە جاعدايلار مينيسترلٸگٸنە سٸلتەمە جاساپ.
بٷگٸن ساعات 16.30 شاماسىندا اقمولا وبلىسى تٶتەنشە جاعدايلار دەپارتامەنتٸنٸڭ قۇتقارۋشىلارى استراحان اۋدانىنىڭ بارشىن كٶلٸنەن 23 قازاندا جوعالىپ كەتكەن ەر ادامنىڭ دەنەسٸن تاپتى. بۇل تۋرالى قر تجم رەسمي ٶكٸلٸ تالعات ۋەلي حابارلادى.
ەستەرٸڭٸزگە سالا كەتەيٸك, 23 قازاندا استراحان اۋدانى ۇزىنكٶل اۋىلدىق وكرۋگٸنٸڭ بارشىن كٶلٸنە تٶرت ادام بالىق اۋلاۋ ٷشٸن بارعان بولاتىن. سول كٷنٸ كەشكە ٷشەۋٸ مەتالل موتورلى قايىقپەن كٶلدە جٷزگەن.
ال بٸرەۋٸ جاعالاۋدا قالعان. 28 قازاندا ٸزدەۋ توبى ەكٸ بالىقشىنىڭ دەنەسٸن تاپتى. ال ٷشٸنشٸ بالىقشىنى ٸزدەۋ جۇمىسى 14 كٷنگە سوزىلدى.
بٷگٸنگٸ كٷنٸ بارشىن كٶلٸندەگٸ ٸزدەستٸرۋ جۇمىستارىنا ٷش جٷزۋ قۇرالىندا قۇرامىنا 15 ادام كٸرەتٸن ٷش سٷڭگۋٸر توبى, اۋدان ەكٸمدٸگٸنٸڭ, پوليتسييا بٶلٸمٸنٸڭ قىزمەتكەرلەرٸ, بالىقشىنىڭ تۋىستارى مەن جاناشىر تۇرعىندار قاتىستى.
كٶلدٸڭ اۋدانى 40 شاقىرىمنان استام ەرٸ ونىڭ كٶپ بٶلٸگٸن قامىس باسىپ كەتكەندٸكتەن ٸزدەستٸرۋ جۇمىسىندا قيىندىق تۋىندادى.
قۇتقارۋشىلار بالىقشىلارعا بالىق اۋلاۋدى جەكە قۇتقارۋ قۇرالدارى بولعان كەزدە عانا جٷزەگە اسىرۋدى ۇسىنادى. ەگەر سٸز قايىقپەن بالىق نەمەسە اڭ اۋلاۋعا شىقساڭىز, وندا قايىق تەحنيكالىق جاعىنان جارامدى, سۋ تٶگەتٸن جەنە قۇتقارۋ قۇرالدارىمەن جابدىقتالعان بولۋى كەرەك.
قايىقتا بولعان كەزدە مٸندەتتٸ تٷردە قۇتقارۋ كەۋدەشەسٸن كييۋ جەنە ەشقانداي وقىس قيمىل جاساماۋ, بورتتا ەڭكەيمەۋ, قايىقتا تۇرماۋ جەنە قوزعالماۋ قاجەت.
