Aqmola politseileri tas jolda atys ashqan kúdiktini qolǵa túsirdi, – dep habarlaidy "Ult aqparat" Polisia.kz portalyna silteme jasap.
6 qyrkúiekte Arshaly APB-ne elordanyń 19 jastaǵy turǵynynan Jibek Joly kentiniń mańynda belgisiz tulǵalar oǵan tiesili Toyota Land Cruiser-200 avtokóligine zaqym keltirgeni týraly ótinishi kelip túsken.
Oqiǵa ornyna kelgen jedel-tergeý toby Astana – Qaraǵandy tas jolynda belgisiz adamdar arasynda janjal týyndaǵanyn anyqtaǵan.
Kýágerlerdiń aitýynsha, qaskóilerdiń biri myltyqty alyp, oqiǵaǵa qatysýshylarǵa birneshe ret oq atqan.
"Politsiia oqiǵa ornynan atylǵan gilzalar men gaz ballonyn tárkiledi. Saraptama taǵaiyndaldy.
Júrgizilgen tergeý jáne jedel-izdestirý is-sharalarynyń nátijesinde Aqmola oblysy PD Kriminaldyq politsiia basqarmasynyń, Arshaly APB Tergeý basqarmasynyń jáne politsiia bóliminiń qyzmetkerleri joǵaryda atalǵan qylmysty jasaǵan kúdiktini anyqtap, ustady. Ol buǵan deiin QR QK 293-baby boiynsha qylmystyq jaýapkershilikke tartylǵan Astana qalasynyń 39 jastaǵy turǵyny bolyp shyqty.
Tintý is-sharalary barysynda kúdiktiden zattai dálelder, atap aitqanda Nagan tapanshasy jáne 57 oq tárkilendi. Arshaly politsiia bólimi osy faktige sáikes QR QK 293-babynyń 3-bóligi “Buzaqylyq” boiynsha sotqa deiingi tergeýdi bastady. Kúdikti ýaqytsha ustaý izoliatoryna qamaldy" - delingen habarlamada.
