اقمولا پوليتسەيلەرٸ تاس جولدا اتىس اشقان كٷدٸكتٸنٸ قولعا تٷسٸردٸ, – دەپ حابارلايدى "ۇلت اقپارات" Polisia.kz پورتالىنا سٸلتەمە جاساپ.
6 قىركٷيەكتە ارشالى اپب-نە ەلوردانىڭ 19 جاستاعى تۇرعىنىنان جٸبەك جولى كەنتٸنٸڭ ماڭىندا بەلگٸسٸز تۇلعالار وعان تيەسٸلٸ Toyota Land Cruiser-200 اۆتوكٶلٸگٸنە زاقىم كەلتٸرگەنٸ تۋرالى ٶتٸنٸشٸ كەلٸپ تٷسكەن.
وقيعا ورنىنا كەلگەن جەدەل-تەرگەۋ توبى استانا – قاراعاندى تاس جولىندا بەلگٸسٸز ادامدار اراسىندا جانجال تۋىنداعانىن انىقتاعان.
كۋەگەرلەردٸڭ ايتۋىنشا, قاسكٶيلەردٸڭ بٸرٸ مىلتىقتى الىپ, وقيعاعا قاتىسۋشىلارعا بٸرنەشە رەت وق اتقان.
"پوليتسييا وقيعا ورنىنان اتىلعان گيلزالار مەن گاز باللونىن تەركٸلەدٸ. ساراپتاما تاعايىندالدى.
جٷرگٸزٸلگەن تەرگەۋ جەنە جەدەل-ٸزدەستٸرۋ ٸس-شارالارىنىڭ نەتيجەسٸندە اقمولا وبلىسى پد كريمينالدىق پوليتسييا باسقارماسىنىڭ, ارشالى اپب تەرگەۋ باسقارماسىنىڭ جەنە پوليتسييا بٶلٸمٸنٸڭ قىزمەتكەرلەرٸ جوعارىدا اتالعان قىلمىستى جاساعان كٷدٸكتٸنٸ انىقتاپ, ۇستادى. ول بۇعان دەيٸن قر قك 293-بابى بويىنشا قىلمىستىق جاۋاپكەرشٸلٸككە تارتىلعان استانا قالاسىنىڭ 39 جاستاعى تۇرعىنى بولىپ شىقتى.
تٸنتۋ ٸس-شارالارى بارىسىندا كٷدٸكتٸدەن زاتتاي دەلەلدەر, اتاپ ايتقاندا ناگان تاپانشاسى جەنە 57 وق تەركٸلەندٸ. ارشالى پوليتسييا بٶلٸمٸ وسى فاكتٸگە سەيكەس قر قك 293-بابىنىڭ 3-بٶلٸگٸ “بۇزاقىلىق” بويىنشا سوتقا دەيٸنگٸ تەرگەۋدٸ باستادى. كٷدٸكتٸ ۋاقىتشا ۇستاۋ يزولياتورىنا قامالدى" - دەلٸنگەن حابارلامادا.
