Aqmola oblysynyń bas memlekettik sanitarlyq dárigeri Ainagúl Mýsina koronavirýske qarsy vaktsina alǵannan keiingi óziniń jai-kúiin aitty, dep habarlaidy "Ult aqparat".
Ainagúl Mýsina óńirde atalmysh vaktsinany alǵashqy bolyp alǵandardyń biri.
«Kádimgi ekpe salǵandai kúide bolasyn. Aýyrtpaidy. Dári sińgenin de sezbeisin», – dedi bas dáriger.
Sonymen qatar, vaktsina salǵan soń patsientke peidj berip, jarty saǵat boiy ekpe salý kabinetinde baqylaý júrgizildi.
«Barlyǵy jaqsy. Ózimdi jaqsy sezinip otyrmyn. Organizmde eshqandai ózgeris baiqalmady. Basym aýyrǵan joq, dene qyzýym da kóterilgen joq. Kádimgi ekpe siiaqty, esh qorqýdyń keregi joq», – dep tolyqtyrdy Mýsina.
Eske salsaq, búgin birinshi bolyp vaktsina Aqmola oblysy ákiminiń orynbasary Ǵalymjan Ábdihalyqovqa, DSEK basshysy, oblystyń bas memlekettik sanitarlyq dárigeri Ainagúl Mýsinaǵa, Densaýlyq saqtaý basqarmasy basshysynyń orynbasary Nariman Syzdyqovqa, Aqmola oblystyq kópbeiindi aýrýhananyń direktory, qalalyq máslihat depýtaty Nurlan Jarovqa, DSEK orynbasary Sáýle Sádýaqasovaǵa, Kókshetaý qalasynyń ESEK basshysy Qanat Ysqaqovqa, Aqmola oblysy ákimi apparatynyń basshysy Azamat Qapyshevqa jáne taǵy 30-dan astam adamǵa salyndy.
