Aqmola oblysynda «Ashyq biýdjet» jobasy belsendi iske asyrylýda, dep habarlaidy QazAqparat.
Sybailas jemqorlyqqa qarsy is-qimyl departamentiniń habarlaýynsha, joba aiasynda Departament qyzmetkerleri «Aqmola - adaldyq alańy» jobalyq keńsesiniń ókilderimen birlesip, Ashyq biýdjetterdiń interaktivti kartasy arqyly biýdjet qarajatyn tiimdi jáne maqsatty paidalanýǵa monitoring júrgizdi. Qazirgi tańda Interaktivti kartanyń portalynda óńir uiymdarynyń 2550-den astam biýdjeti ornalastyrylǵan.
Monitoring qorytyndysy boiynsha Aqmola oblysy aýdandarynyń biriniń memlekettik mekemesi biýdjettik baǵdarlamasynyń ákimshisi erler men áielder kúrtkelerin jalpy somasy 6 950 000 teńgege bir danasyn 50 000 teńgeden satyp alýdy josparlaǵany anyqtaldy.
Alaida, kiim naryǵyn jáne basqa uiymdardyń memlekettik satyp alý josparlaryn taldaý barysynda uqsas kúrtkeleriniń ortasha baǵasy bir kúrtke úshin 11-den 16 myń teńgege quraityny anyqtaldy.
Tapsyrys berýshige josparlanǵan taýarlarǵa ońtaily baǵalardy qaita qaraý jáne ornatý týraly usynys hat jiberildi. Departamenttiń usynysynan keiin mekeme memlekettik satyp alý baǵasyn tómendetti. Nátijesinde biýdjet qarajatynyń jalpy únemdelýi 5 000 000 astam teńgeni qurady.
Aita keteiik, Interaktivti karta arqyly árbir turǵyn áleýmettik nysandardy jóndeýge jáne ustaýǵa bólingen biýdjet qarajatyn baqylai alady. Ol úshin Publicbudget.kz portalyna kirý jetkilikti.
Budan basqa, «Ashyq biýdjet» jobasy aiasynda halyqtyń qarjylyq saýattylyǵyn arttyrý maqsatynda Departamenttiń áleýmettik jelilerdegi paraqshalarynda tikelei efirlerde quzyretti mamandar azamattarǵa tegin keńester beredi.
