Aqmola oblysynda tórt aidan astam ýaqyt buryn joǵalǵan bir úiir jylqynyń kólge batyp ketkeni anyqtaldy, dep habarlaidy QazAqparat.
Oblystyq politsiia departamenti baspasóz qyzmetiniń málimetinshe, jylqylar 2021 jyldyń jeltoqsanynda joǵalǵan. Bul týraly sol kezde Ereimentaý aýdandyq politsiia bólimine jergilikti turǵyn shaǵymdanady. Ol 14 jylqysy erkin jaiylymda júrgen jerinen joǵalyp ketkenin habarlaidy. Shyǵyn kólemi 7 jarym million teńgege baǵalanady.
«Ereimentaý aýdandyq politsiia bóliminiń qyzmetkerleri barlyq qajetti jedel-izdestirý is-sharalaryn júrgizdi. Janýarlardyń joǵalyp ketý qaýpi bar aimaqtaǵy jyralar, bos jerler, orman alqaptary, sondai-aq mal tasymaldaýmen ainalysatyn avtokólikter, mal etin ótkizýdiń yqtimal bazarlary tekserildi. Sóitip, «Qyzyl-sor» kólinen jylqylardyń óleksesi tabyldy. Rezinaly qaiyqty paidalana otyryp, jedel ýákilder men ýchaskelik inspektorlar olardy óz kúshterimen shyǵaryp aldy», - dedi vedomstvodan.
Kól jartylai tushy, jartylai tuzdy jáne tómen temperatýrada tolyq muzdanýǵa ushyramaidy. Anyqtalǵanyndai, kól betindegi juqa muz qabaty opyrylyp, mal sýǵa batyp ólgen. Qylmys quramynyń bolmaýyna bailanysty is toqtatyldy.
