اقمولا وبلىسىندا تٶرت ايدان استام ۋاقىت بۇرىن جوعالعان بٸر ٷيٸر جىلقىنىڭ كٶلگە باتىپ كەتكەنٸ انىقتالدى, دەپ حابارلايدى قازاقپارات.
وبلىستىق پوليتسييا دەپارتامەنتٸ باسپاسٶز قىزمەتٸنٸڭ مەلٸمەتٸنشە, جىلقىلار 2021 جىلدىڭ جەلتوقسانىندا جوعالعان. بۇل تۋرالى سول كەزدە ەرەيمەنتاۋ اۋداندىق پوليتسييا بٶلٸمٸنە جەرگٸلٸكتٸ تۇرعىن شاعىمدانادى. ول 14 جىلقىسى ەركٸن جايىلىمدا جٷرگەن جەرٸنەن جوعالىپ كەتكەنٸن حابارلايدى. شىعىن كٶلەمٸ 7 جارىم ميلليون تەڭگەگە باعالانادى.
«ەرەيمەنتاۋ اۋداندىق پوليتسييا بٶلٸمٸنٸڭ قىزمەتكەرلەرٸ بارلىق قاجەتتٸ جەدەل-ٸزدەستٸرۋ ٸس-شارالارىن جٷرگٸزدٸ. جانۋارلاردىڭ جوعالىپ كەتۋ قاۋپٸ بار ايماقتاعى جىرالار, بوس جەرلەر, ورمان القاپتارى, سونداي-اق مال تاسىمالداۋمەن اينالىساتىن اۆتوكٶلٸكتەر, مال ەتٸن ٶتكٸزۋدٸڭ ىقتيمال بازارلارى تەكسەرٸلدٸ. سٶيتٸپ, «قىزىل-سور» كٶلٸنەن جىلقىلاردىڭ ٶلەكسەسٸ تابىلدى. رەزينالى قايىقتى پايدالانا وتىرىپ, جەدەل ۋەكٸلدەر مەن ۋچاسكەلٸك ينسپەكتورلار ولاردى ٶز كٷشتەرٸمەن شىعارىپ الدى», - دەدٸ ۆەدومستۆودان.
كٶل جارتىلاي تۇششى, جارتىلاي تۇزدى جەنە تٶمەن تەمپەراتۋرادا تولىق مۇزدانۋعا ۇشىرامايدى. انىقتالعانىنداي, كٶل بەتٸندەگٸ جۇقا مۇز قاباتى وپىرىلىپ, مال سۋعا باتىپ ٶلگەن. قىلمىس قۇرامىنىڭ بولماۋىنا بايلانىستى ٸس توقتاتىلدى.
