Birjan sal aýdanynyń Makinka aýylynda ekpindi jel sý jinaý munarasyn qulatty. Bul týraly brifingte Aqmola oblysy TJD bastyǵynyń orynbasary Qanat Dospaev aitty, dep habarlaidy QazAqparat.
«Birjan sal aýdanynyń Makinka aýylynda ekpindi jeldiń saldarynan sý jinaý munarasy qulap qaldy. Osynyń saldarynan aýyldyń turǵyndary 1,5 myń turǵyny aýyzsýsyz qaldy. Qazirgi kezde oqiǵa ornynda aýdan ákimdigi men tótenshe jaǵdailar bóliminiń qyzmetkerleri jumys isteýde», - dedi Qanat Dospaev.
Qanat Dospaev atap ótkendei, qazirgi ýaqytta atalmysh aýyl turǵyndaryn sý tasymaldanyp jetkizilýde. Sonymen qatar, sý jinaý munarasyn qalpyna keltirý máselesi sheshilýde.
